கடலில் முழ்கி அரபிக்கல்லூரி மாணவன் வபாத்

-ஏ.எஸ்.எம்.யாசீம்-

திருகோணமலை, இறக்ககண்டி காந்தி நகர் கடற்கரையில் விளையாடிக்கொண்டிருந்த நசீர் முகம்மத் ஹாசீர் என்ற 15 வயது சிறுவன், இன்று (19) காலை கடலில் முழ்கி உயிரிழந்துள்ளான் என குச்சவெளி பொலிஸார் தெரிவித்தனர். 

கண்டியிலிருந்து திருகோணமலைக்கு சுற்றுலாச் சென்றிருந்த கண்டி, அரபிக்கல்லூரி மாணவர்கள், இன்று (19) கடற்கரையில் பந்து விளையாடிக்கொண்டிருந்த போது, பந்து கடல் அலையால் இழுத்துச் செல்லப்பட்டதாகவும் அதை எடுக்க முயற்சித்த போதே குறித்த சிறுவன் நீரில் முழ்கி உயிரிழந்துள்ளான் எனவும் தெரிவிக்கப்படுகின்றது. 

பிரேத பரிசோதனைகளின் பின்னர் சடலம் உறவினர்களிடம் ஒப்படைக்கப்படும் என பொலிஸார் தெரிவித்தனர். இச்சம்பவம் குறித்த மேலதிக விசாரணைகளை குச்சவெளி பொலிஸார் மேற்கொண்டு வருகின்றனர்.