சிறைச்சாலையில் பரபரப்பை, ஏற்படுத்தியுள்ள தொப்பி (வீடியோ இணைப்பு)

(வீடியோ இணைப்பு)

பிரபல போதைப் பொருள் கடத்தல் மன்னன் முஹம்மத் சித்தீக்கிற்கு விசேட வரப்பிரசாதங்களை வழங்கிய சிறைச்சாலை உத்தியோகத்தர்கள் மூவர் இன்று இடைநிறுத்தம் செய்யப்பட்டுள்ளனர்.

போதைப் பொருள் கடத்தல் மன்னன் வெலே சுதாவின் முக்கிய சகாக்களில் ஒருவரான முஹம்மத் சித்தீக் என்பவர் பாகிஸ்தானில் மறைந்திருந்த நிலையில் கைது செய்யப்பட்டு இலங்கைக்கு அழைத்து வரப்பட்டிருந்தார்.

கடந்த ஆறுமாதகாலமாக போதைப்பொருள் தடுப்புப் பிரிவினரால் தடுத்து வைக்கப்பட்டு விசாரணைக்குட்படுத்தப்பட்டிருந்த சித்தீக், நேற்று முன்தினம் கொழும்பு பிரதான மாஜிஸ்திரேட் கிஹான் பிலப்பிட்டிய முன்னிலையில் ஆஜர் செய்யப்பட்டார்.

அவரை எதிர்வரும் அக்டோபர் 02ம் திகதி வரை விளக்கமறியலில் வைக்குமாறு நீதிபதி உத்தரவிட்டுள்ளார்.

இந்நிலையில் சந்தேக நபரான சித்தீக் நீதிமன்ற தடுப்புக்கூடத்தில் இருந்த நிலையில் அவருடன் பேச வெளியார் ஒருவருக்கு சிறைச்சாலை உத்தியோகத்தர்கள் இடமளித்திருந்தனர்.

மேலும் குறித்த வெளிநபரையும் சிறைக்கூடத்திற்குள் அனுப்பி சித்தீக்குடன் பேசிக்கொண்டிருக்க வசதி ஏற்படுத்திக் கொடுத்திருந்தனர். 

இதுகுறித்து ஊடகங்களில் வெளியான செய்தியைத் தொடர்ந்து சிறைச்சாலைகள் திணைக்களம் விரைவான விசாரணை ஒன்றை மேற்கொண்டிருந்தது.

விசாரணையில் கிடைக்கப்பெற்ற பரிந்துரைகளின் அடிப்படையில் சம்பவத்துடன் தொடர்புடைய ஜெயிலர் ஒருவர், சிறைச்சாலை சார்ஜண்ட் மற்றும் வார்டன் என மூவர் இன்று முதல் பணியிலிருந்து இடைநிறுத்தம் செய்யப்பட்டுள்ளனர்.