சடலத்தை பணயமாக வைத்த, லங்கா ஹொஸ்பிடல்ஸ்

வைத்தியசாலைக் கட்டணத்தை செலுத்தாமலேயே சடலத்தை உறவினர்களிடம் ஒப்படைக்குமாறு வைத்தியசாலைக்கு உத்தரவிடப்பட்டுள்ளது.

நீதிமன்ற உத்தரவின் அடிப்படையில் இவ்வாறு வைத்தியசாலைக்கு சடலத்தை ஒப்படைக்க உத்தரவிடப்பட்டுள்ளது.

வைத்தியசாலைக் கட்டணத்தை செலுத்தாத காரணத்தினால் பிரபல தனியார் வைத்தியசாலை ஒன்றினால், வைத்தியசாலையில் உயிரிழந்த நபர் ஒருவரின் சடலத்தை பணயமாக வைத்துக் கொண்ட சம்பவம் பெரும் சர்ச்சையை ஏற்படுத்தியுள்ளது.

நாரஹேன்பிட்டி லங்கா ஹொஸ்பிடல்ஸ் நிறுவனம் இவ்வாறு சடலமொன்றை பணயமாக வைத்திருந்ததாகக் குற்றம் சுமத்தப்பட்டுள்ளது.

பணயமாக வைக்கப்பட்டிருந்த இந்த சடலத்தை உடனடியாக விடுவிக்குமாறு கொழும்பு மேலதிக நீதவான் நிசாந்த பீரிஸ் உத்தரவிட்டுள்ளார்.

சடலத்தை விடுவிக்க வைத்தியசாலைக் கட்டணமாக 14 லட்சத்திற்கும் அதிகமான தொகையை செலுத்துமாறு கோரியுள்ளது.

இருதய நோயினால் பாதிக்கப்பட்ட நபர் ஒருவர் வைத்தியசாலையில் அனுமதிக்கப்பட்டு சத்திரசிகிச்சை மேற்கொண்ட போது, கடுமையாக சுகவீனமுற்று வைத்தியசாலையில் அனுமதிக்கப்பட்டுள்ளார்.

தலுவத்தே பாலபட்டபந்திகே திலுக் தலுவத்தே என்ற 62 வயதான நபர் ஒருவரின் சடலத்தையே இவ்வாறு விடுவிக்குமாறு நீதிமன்றம் உத்தரவிட்டுள்ளது.

உயிரிழந்தவரின் சகோதரர் ஒருவரினால் பொலிஸ் நிலையத்தில் செய்த முறைப்பாட்டை அடுத்து இந்த விடயம் நீதிமன்றில் வழக்குத் தொடரப்பட்டிருந்தது.

நபர் ஒருவரின் சடலத்தை பலவந்தமான அடிப்படையில் தடுத்து வைக்க எவருக்கும் உரிமை கிடையாது என நீதிமன்றம் அறிவித்துள்ளது.

ஐந்து லட்சம் ரூபாவிற்கு இருதய சத்திர சிகிச்சை மேற்கொள்வதாக உறுதி மொழி அளித்து நோயாளியை வைத்தியசாலையில் அனுமதித்த வைத்தியசாலை, மூன்று லட்சம் ரூபா முற்பணமாக செலுத்தியிருந்தனர்.

சத்திர சிகிச்சையினால் ஆபத்தான நிலைக்கு தள்ளப்பட்ட குறித்த நபரை தேசிய வைத்தியசாலையில் அனுமதிக்குமாறு விடுக்கப்பட்ட கோரிக்கையை லங்கா ஹொஸ்டபிடல்ஸ் நிர்வாகம் உதாசீனம் செய்து, தொடர்ந்தும் வைத்தியசாலையில் சிகிச்சை அளித்து வந்தததாகவும் இறுதியில் அவர் உயிரிழந்ததாகவும் தெரிவிக்கப்படுகிறது.

கடந்த ஒரு வார காலமாக இந்த சடலத்தை வைத்தியசாலை நிர்வாகம் பலவந்தமான அடிப்படையில் பணயமாக வைத்திருந்தததாகக் குற்றம் சுமத்தப்பட்டுள்ளது.