"சவூதி அரேபியாவை தாக்குதல்"

- M.JAWFER .JP-

மனித இனம் அன்று முதல் இன்று வரை பிறப்புச்சுதந்திரம் வாழ்வுச்சுதந்திரம் எழுத்துச் சுதந்திரம் பேச்சு சுதந்திரம் என்றல்லாம் பலவகையான சுதந்திரம் மனித வாழ்வுக்கு தேவை என்ற உரிமையோடு வாழ்ந்துகொண்டு பலவகையான உரிமைகளைப்பெற்று வாழும் மனிதன் இந்த சுதந்திரங்கள் சில வேலை அத்துமீறிப்போய் பாதாள குழியில் விழுந்து விடும் அளவுக்கு மனிதன் சென்று  கொண்டு இறக்கிறான் என்பது இக்கால உண்மையாக உள்ளது.

இப்போது விடயத்துக்கு  வருகிறேன். கடந்த வாரம் மக்காவில் புனித ஹரம் ஷரிபில் யாரும் எதிபாராத விபத்தொன்று நடந்து முழு உலகத்தையும் திரும்பிப்பார்க்க வைத்தது. இந்த விபத்து பற்றி பலதரப்பட்ட கருத்து மோதல்களையல்லாம் தாண்டி இப்போது ஒரு அமைதி நிலைக்கு வந்துள்ளது. இந்த விடயம் சம்மந்தமாக பலதரப்பட்ட கட்டுரைகளும் மீடியாக்களை துளைத்து காரசாரமான அழல் காற்றை வீசியது.

இதில் அதிகமாக மனிதாபிமான அடிப்படையிலும் இறைவனின் ஏற்பாட்டில் நடந்து முடிந்த ஒரு விபத்தாக ஏற்றுக்கொண்டு பொறுமைகாக்க வேண்டிய விடயத்தில் ஈமான் உள்ள முஸ்லிம்கள் என்ற அடிப்படையில் முஸ்லிம்கள் மத்தியில் ஒரு வகையான  அமைதி நிலவுகிறது. அல்ஹம்துலில்லாஹ். அதிகமான கட்டுரையாளர்கள் மக்கள் மத்தியில் அமைதி ஏற்படும் வண்ணமும் முஸ்லிம்களின் ஈமான் பாதிக்கப்படாத விதமாகவும் தங்களின் கருத்துக்களை பகிர்ந்து கொண்டார்கள்.

இவ்விடத்தில் வியப்புக்குரிய விடயம் கட்டுரைகளுக்கு பின்னூட்டம் எழுதும் சில வாசகர்கள் உண்மையிலேயே அளவுகடந்து இஸ்லாத்துக்கும் அவர்களுக்கும் சம்மந்தமில்லாதவர்கள் போல் இவர்கள் ஏன் இவ்வாறு பின்னூட்டம் எழுதுகிறார்கள் இவர்கள் இஸ்லாத்தை இழிவுபடுத்தும் வகையில் மறைமுகமாக செயல்படுகிறார்களா என்ற சந்தேகம் எழுகின்றது.

சவுதி என்பது ஒரு இரமைமிக்க நாடு. அந்த நாட்டுக்கும் சில சுதந்திரம் உண்டு. அதையும் தாண்டி வல்ல அல்லாஹ் அங்கு புனித தளங்களான மக்கா மதினா போன்ற இடங்களையும் சிறப்பாக வைத்துள்ளான். இது உலக முஸ்லிம்களின் பொதுவான இடமாக இருந்தாலும் அதை பராமரிக்ககூடிய பொறுப்பு சவுதி அரசிடம் உள்ளது. அவர்களும் பல்நாட்டிலுள்ள முஸ்லிம் புத்திஜீவிகளின் ஆலோசனையின் பிரகாரம் பலதரப்பட்ட அபிவிருத்தி வேலைகளை செய்து கொண்டு இருக்கிறார்கள். அதில் நடக்கும் தப்புத்தவருகளை நேரடியாக சவுதி களையும் சவுதி அரசையும் நேரடியாக தாக்கிப்பேசுவது எவ்வகையிலும் நியாயமாகாது.

இருந்தாலும் மனிதன் என்ற வகையில் பொறுப்புள்ளவர்கள் அவர்கள்தான் என்ற கொள்கைக்காக வேண்டி அவர்களை சாடுகிறோம்.நியாயம்தான் யாரும் அதை ஏற்றுக்கொள்வார்கள். காய்த்த மரமே கல்லறி படும். இதையல்லாம் தாண்டி நாகரிகமில்லாமல் சிலர் கருத்துச்சுதந்திரம் என்ற போர்வையில் நாகரிகமில்லாமல் வார்த்தைகளை அள்ளிவீசி ஒட்டுமொத்த சவுதிகள் ஏன் மொத்த அரபிகளையும் காட்டரபிகள், புத்தி இல்லாத மடையர்கள், வஹபிகள் என்றல்லாம் சம்மதமில்லாத விடயங்களையல்லாம் இந்த இடத்துக்கு கொண்டுவந்து திட்டித்தீர்க்கும் ஒரு சந்தர்ப்பமாக இந்த விபத்துடைய காரணத்தை பயன்படுத்துவதை காணமுடிகிறது.

நான் சவூதிக்கு வக்காலத்து வாங்கவில்லை. இவ்வளவு அசிங்கமாக பின்னூட்டம் எழுதும் அதுவும் சொந்த பெயரில் வரமுடியாத இவர்கள் ஒன்றை மட்டும் சிந்திக்க வேண்டும். இவர்கள் குறைகூறும் அரபிகளின் பொருளாதாரத்தில் வாழவில்லையா இவர்கள் நேரடியாக உதவிகளை பெற்றுக்கொள்ளா விட்டாலும் மறைமுகமாகவாவது அனுபவித்தே இருப்பார்கள். நம்நாடு போன்ற வறிய நாடுகளுக்கு எத்தனை பாரிய திட்டங்களுக்கு இந்த அரபிகள் நிதி ஒதுக்கீடு செய்துள்ளார்கள்.

கொஞ்சமாவது மனசாட்சியோடு நடக்க வேண்டும். குறைகளை கூறுங்கள் சுட்டிக்காட்டுங்கள் நாகரிகமாக எழுதுங்கள் அந்நிய மதத்தவர்களும் நம்முடைய கருத்துக்களை பார்த்துக்கொண்டுதான் இருக்கிறார்கள். சவூதிக்கு ஒரு விரலை நீட்டி  நாம் சுட்டிக்காட்டினால் மற்றைய நாலு விரலும் நம்மை சுட்டிக்காட்டும். எழுதமுடியும் என்றால் எல்லாவற்றையும் எழுத முடியாது. பேச முடியும் என்றால் எல்லாவற்றையும் பேசமுடியாது. எதிலும் ஒரு நடு நிலை கொள்கை வேண்டும்.

கடந்த காலங்களையும் நாம் கொஞ்சம் திரும்பி பார்க்க வேண்டும்.1980 Pஇன் பின் அரபு நாடுகள் நம்முடைய நாடு போன்ற வரிய நாடுகளுக்கு நேசக்கரம் நீட்டாமல் இருந்திருந்தால். பின்னூட்டம் எழுதும் அடாவடிகளின் கல்வி நிலை என்னவாக இருந்திருக்கும். இப்போது மேற்கத்திய நாடுகளில் உள்ளவர்கள் அரபு நாடுகளில் பணம் சம்பாரித்து விட்டுதான் அந்த பணத்தில்தான் அதிகமானவர்கள் மேற்கத்திய நாடுகளுக்கு போனார்கள். அதே நேரம் மேற்கத்திய நாடுகள் கல்வியரிவற்றவர்களை வேலைக்கு எடுக்க வில்லை. மாறாக நன்கு படித்தவர்களைத்தான் எடுத்தார்கள் ஆனால் அரபு நாடுகள் கல்வி அறிவு இல்லாத பாமர மக்களை வேலைக்கு அமர்த்தியது.

இவ்வாறான படிப்பறிவு இல்லாத பண வசதி இல்லாத ஏழைகள் மேற்கத்திய நாடுகளுக்கு போக முடியுமா..? அந்த இடத்தில் கை கொடுத்ததும் இந்த அரபுலகம்தான் என்பதை இந்த சொந்த பெயர் போடவிரும்பாத பின்னூட்டக்காரர்கள் புரிந்துகொள்ள வேண்டும். குறைகளை சுட்டிக்காட்டுங்கள் ஆனால் நன்றி மறவாதீர்கள்.