குவைத்தில் இலங்கை முஸ்லிம்களின், ஹஜ் பெருநாள் ஏற்பாடுகள்

கடந்த 23 வருடங்களாக குவைத் நாட்டில் பல்வேறு மார்க்கப் பணிகளை   மேற்கொண்டு வரும் குவைத் வாழ்  இலங்கை முஸ்லிம்களின்  சங்கமான  இக்ரஃ இஸ்லாமிய சங்கம் (IIC -Kuwait ) வழமை போன்று  இம்முறையும் புனித ஹஜ்ஜுப் பெருநாள் சிறப்பு நிகழ்ச்சிகளை ஏற்பாடு செய்திருக்கிறது .

இன்ஷா அல்லாஹ்  "அரபா தின" கூட்டு இப்தார் நிகழ்ச்சி கைத்தான் பிரதேசத்தில் அமைந்துள்ள மஸ்ஜித் அல் ஜலவி யில் புதன்(23) ,  அன்று  நடைபெறவுள்ளது .

அதே போன்று வியாழனன்று(24) நடைபெறவுள்ள  புனித ஹஜ்ஜுப் பெருநாள் தொழுகையை  இம்முறை  குவைத் ஸிட்டி ,கைத்தான் ,ஜஹ்ரா ஆகிய பிரதேசங்களில் அமைந்துள்ள தனது மூன்று பள்ளி வாயல்களிலும்  காலை 6.30 மணிக்கு நடாத்தத் திட்டமிட்டுள்ளது என்பதை  மகிழ்ச்சியுடன் தெரிவித்துக் கொள்கிறது .

மேலும் ஈதுல் அத்ஹா ஒன்று கூடல் நிகழ்ச்சி பெருநாள் மறு தினம் வெள்ளி(25) யன்று மாலை நான்கு மணி முதல்  ரிகாஇ பூங்காவில் நடைபெறவுள்ளது  . 

இம் மூன்று நிகழ்ச்சிகளிலும் குவைத் வாழ்  இலங்கை முஸ்லிம் ஆண்கள்  ,பெண்கள் மற்றும் சிறார்கள் அனைவரும் கலந்து சிறப்பித்து பயனடையுமாறு இக்ரஃ இஸ்லாமிய சங்கம் அன்புடன்   அழைக்கிறது