அமைச்சில் குடிகொண்டுள்ள பேய்கள், பூதங்கள் - அமைச்சர் நாவீன்ன விபரிப்பு

கலை கலாசார அமைச்சில் குடிகொண்டுள்ள பேய்கள், பூதங்கள், கெட்ட ஆவிகள் போன்றனவற்றை விரட்டியடித்து அமைச்சரவையை தூய்மைபடுத்தப்படும் என அமைச்சர் எஸ்.பி. நாவீன்ன சிங்கள ஊடகமொன்றுக்கு அளித்த நேர்காணலில் தெரிவித்துள்ளார்.

 உள்நாட்டு கலை கலாசாரத்தை மேம்படுத்த தேசிய ரீதியில் விரிவான திட்டமொன்று முன்னெடுக்கப்படும் என அவர் தெரிவித்தார்.

கட்சி, நிற அரசியலை புறந்தள்ளி திறைமை, அர்ப்பணிப்பு, புத்தாக்கம் போன்றவற்றுக்கு முன்னுரிமை அளித்து தகுதியானவர்களுக்கு தகுதியான இடம் வழங்கப்படும்.

உள்நாட்டு கலாசாரம் மற்றும் கலையை அழிக்கும் எவருக்கும் அமைச்சில் இடமில்லை.

எவ்வளவு சிரமப்பட்டாலும் விரட்ட முடியாத சில பேய்கள் பூதங்கள் அமைச்சில் குடிகொண்டுள்ளன. அவ்வாறான அனைத்து தீய சக்திகளும் விரைவில் வெளியேற்றப்படும்.

நாட்டுக்கு பெருமை சேர்க்கக் கூடிய தொல்பொருட்களை பாதுகாக்க நடவடிக்கை எடுக்கப்படும் என அமைச்சர் குறிப்பிட்டுள்ளார்.