பம்பலப்பிட்டி சுப்பர் மார்க்கட்டில் திருடன் - 8 மணித்தியாலம் சிறிய பெட்டியில் மறைந்திருந்த நிலையில் கைது

கொழும்பு பம்பலப்பிட்டி பிரதேசத்தில் உள்ள சுப்பர் மார்க்கட் ஒன்றின் கதவுகளை உடைத்து உள்ளே சென்ற திருடன் வெளியில் வர முடியாமல் 8 மணிநேரத்திற்கு மேலாக சிறிய பெட்டி ஒன்றில் மறைந்திருந்த நிலையில், கைது செய்யப்பட்டதாக பம்பலப்பிட்டி காவற்துறையினர் தெரிவித்துள்ளனர்.

குறித்த சுப்பர் மார்க்கட் பகுதியில் நேற்று முன்தினம் இரவு முதல் காவற்துறையினரின் காவல் போடப்பட்டிருந்ததால், திருடனுக்கு தப்பிச் செல்ல முடியாத நிலைமை ஏற்பட்டுள்ளது.

சந்தேக நபர் இரவு நேரங்களில் சுப்பர் மார்க்கட்டுகளில் கதவை உடைத்து உள்ளே சென்று, கொரக்காபுளி, முந்திரி, ஏலக்காய், கராம்பு போன்றவற்றை திருடி வந்துள்ளதாக விசாரணைகளில் தெரியவந்துள்ளது.