காணிக்கை செலுத்தச்சென்ற 10 மாத குழந்தை - யானை மிதித்து பலி

குருனாகலை - கோகரெல்ல - மதகம்பொல பிரதேச ஆலயம் ஒன்றில் நேற்று இடம்பெற்ற ஊர்வலத்துக்காக அழைத்துவரப்பட்டிருந்த யானை மிதித்ததில், 10 மாத குழந்தை ஒன்று உயிரிழந்தது. 

பிறந்த குழந்தைக்கு காணிக்கை செலுத்தும் வகையில், யானையின் வயிற்றுக் கீழ் பகுதியில் குழந்தைய எடுத்து சென்ற போது, யானை குழந்தையை மிதித்துச் சென்றதாக தெரிவிக்கப்பட்டுள்ளது.

குழந்தையை யானையின் வயிற்றுக் கீழ் கொண்டு சென்ற நபரும் காவற்துறையினரால் கைது செய்யப்பட்டுள்ளார். 

குறித்த நபர் இந்த சம்பவம் இடம்பெறும் போது மதுபோதையில் இருந்ததாக காவற்துறையினர் தெரிவித்துள்ளனர். 

தேவாலயத்தின் ஊர்வலம் ஆரம்பிக்கப்படுவதற்கு முன்னதாக, யானையின் வயிற்றுப் பகுதியைக்கு கீழாக குழந்தையுடன் செல்வதற்கு குறித்த நபர் முயற்சித்துள்ளார்.

எனினும் குழந்தை அவரின் கைகளில் இருந்து நலுவி கீழே விழுந்ததை அடுத்து, அதனை யானை மித்துள்ளது.

சம்பவ இடத்திலேயே குழந்தை உயிரிழந்தது.

குறித்த நபர் காயங்களுடன் காவற்துறையின் பாதுகாப்பில் வைத்தயிசாலையில் அனுமதிக்கப்பட்டுள்ளார்.