வசீம் தாஜுத்தீனின் ஜனாஸா, தொடர்பில் சந்தேகம்..!

வசீம் தாஜுத்தீனின் ஜனாஸா இன்று திங்கட்கிழமை, 10 ஆம் திகதி தோண்டப்படவுள்ள நிலையில், அவரது ஜனாஸா குறித்த சந்தேகங்களும் வெளிக்கிளம்பியுள்ளன.

இப்போது 3 வருடங்களுக்கு முன் படுகொலை செய்யப்பட்ட வசீம் தாஜுத்தீனின் ஜனாஸாவை தடயங்கள் இன்றி சிதைத்திருக்கலாமென்ற சந்தேகத்தையும் சில தரப்புக்கள் வெளிப்படுத்தியுள்ளன.

கடந்த 2 வாரங்களாகவே வசீம் தாஜுத்தீன் ஜனாஸா அடங்கப்பெற்றுள்ள பள்ளிவாசலுக்கு பொலிஸ் பாதுகாப்பு போடப்பட்டுள்ளது. 3 வருடங்கள் எந்தவித பாதுகாப்பும் வழங்கப்படாமல் இருந்துவந்த நிலையில் அவரது ஜனாஸாவை மாற்றியிருக்கலாம் அல்லது சிதைத்திருக்கலாம் என்ற சந்தேகங்கள் எழுந்துள்ளன.

எனினும் நீதிமன்ற உத்தரவுக்கமைய வசீம் தாஜுத்தீன் புதைக்கப்பட்டதாக கூறப்படும் புதைக்குழி தோண்டப்படும்.

சில வேளைகளில் அங்கு வசீம் தாஜுத்தீனின் ஜனாஸா காணப்படாதவிடத்து, அவர் காணாமல் போனவர்களின் பட்டியலில் சேர்க்கப்படுவார். 

ஜனாஸா தோண்டப்படுகையில் பெருமளவு மக்கள் அங்கு கூடுவார்கள் என எதிர்பார்க்கப்படும் நிலையில், வசீம் தாஜுத்தீனின் ஜனாஸாவை உறுதிப்படுத்துவதற்கான அத்தனை ஏற்பாடுகளும் தெஹிவளை முஸ்லிம் மையவாடிக்கு அருகாமையில் மேற்கொள்ளப்பட்டுள்ளதுடன், மேலதிக விசாரணைக்காக மற்றுமொரு இடத்திற்கும் ஜனாஸாவை கொண்டுசெல்லவும் தீர்மானிக்கபட்டுள்ளது.