முஸ்லிம் பிரதிநிதித்துவத்தை, சிதைவடையச் செய்ய முயற்சி -ஹிஸ்புல்லாஹ்

பாராளுமன்றில் முஸ்லிம் பிரதிநிதித்துவத்தை சிதைவடையச் செய்ய ஸ்ரீலங்கா முஸ்லிம் காங்கிரஸ் தலைவர் ஹக்கீம் உள்ளிட்ட தரப்புக்கள் முயற்சித்து வருவதாக முன்னாள் அமைச்சர் எம்.எல்.ஏ.எம். ஹிஸ்புல்லாஹ் தெரிவித்துள்ளார்.

கடந்த ஜனவரி மாதம் 8ம் திகதி , ஜனாதிபதி மைத்திரிபால சிறிசேனவின் வெற்றியின் ஊடாக நல்லாட்சி நிறுவப்பட்டது.

இதனை உறுதி செய்ய ஐக்கிய மக்கள் சுதந்திரக் கூட்டமைப்பிற்கு எதிர்வரும் பொதுத் தேர்தலில் மக்கள் வாக்களிக்க வேண்டுமென அவர் வலியுறுத்தியுள்ளார்.

முஸ்லிம் பிரதிநிதித்துவத்தை இல்லாமல் செய்வதற்கு ஹக்கீம் முயற்சித்து வருவதாகக் குற்றம் சுமத்தியுள்ளார்.

மட்டக்களப்பில் அமீர் அலி, ஹிஸ்புல்லாஹ் மற்றும் ரிசாட் போன்றவர்களை தோற்கடிக்க வேண்டுமென தேர்தல் மேடைகளில் ஹக்கீம் பிரச்சாரமை; செய்து வருவதாகக் குறிப்பிட்டுள்ளார்.

முஸ்லிம் பிரதிநிதித்துவம் அதிகரிக்க வேண்டும் என்ற காரணத்திற்காக நாம் 20ம் திருத்தச்சட்டத்தை எதிர்ர்த்து வருகின்றோம் என்றும், இவ்வாறான ஓர் நிலையில் முஸ்லிம் தலைவர் ஒருவர் முஸ்லிம் பிரதிநிதித்துவத்தை அழிக்க முயற்சிப்பது ஏற்றுக் கொள்ளக் கூடியதல்ல எனவும் அவர் குறிப்பிட்டுள்ளார்.