சுதந்திரக் கட்சி உறுப்பினர்கள், முஸ்லிம் காங்கிரஸ் உடன் இணைந்தனர்

ஸ்ரீலங்கா சுதந்திரக் கட்சியின் திருகோணமலை மாவட்டத்தின் 11 உறுப்பினர்கள் இன்று ஸ்ரீலங்கா முஸ்லிம் காங்கிரஸ் கூட இணைந்துகொள்வதாக அக் கட்சியின் தலைவர் ரவுப் ஹகீம் தெரிவித்துள்ளார்.

திருகோணமலை ஜேக்கப் பார்க் விடுதியில் இன்று காலை 11.30 மணியளவில் இடம்பெற்ற பத்திரிகையாளர் சந்திப்பில் இதனைத் தெரிவித்தார்.

ஸ்ரீலங்கா சுதந்திரக் கட்சியுடனும் முன்னாள் ஜனாதிபதியின் மகன் நாமல் ராஜபக்சவின் நீலப்படையுடனும் செயற்பட்ட உறுப்பினர்கள் இன்று ஸ்ரீ லங்கா முஸ்லிம் காங்கிரஸ் உடன் இணைந்து ஐக்கிய தேசிய முன்னணியை இத் தேர்தலில் வெற்றிபெறச் செய்வதற்கான வேலைத்திட்டங்களை முன்னெடுக்க இருப்பதாக இன்று தெரிவிக்கப்பட்டது.