இலங்கை கிரிக்கெட் வீரர், சானக வெலகெதர சாதனை

வேகப்பந்து வீச்சாளரான சானக வெலகெதர உள்ளூர் கழகங்களுக்கிடையிலான டி 20 போட்டியொன்றில் 4 ஓவர்கள் பந்து வீசி 2 ஓட்டங்களை மாத்திரம் கொடுத்து சாதனையொன்றை சமப்படுத்தியுள்ளார்.

தமிழ் யூனியன் கழகத்துக்காக விளையாடிவரும் அவர் எஸ்.எஸ்.சி  கழகத்துக்கு எதிரான குறித்த போட்டியில் 4 ஓவர்கள் பந்துவீசி 2 ஓட்டங்களைக் கொடுத்து 4 விக்கெட்டுக்களை கைப்பற்றியுள்ளார். இதில் இரண்டு ஓட்டமற்ற ஓவர்களும் உள்ளடங்குகின்றன.

இதற்கு முன்னர் தென்னாபிரிக்க ‘ஹைவெல்ட் லயன்ஸ்’ கழக வீரரான கிரிஸ் மொரிஸ் கேப் கோப்ராஸ் கழகத்துக்கு எதிரான போட்டியொன்றில் 4 ஓவர்கள் பந்துவீசி 2 ஓட்டங்களைக் கொடுத்து 2 விக்கெட்டுக்களை வீழ்த்தியமையே இதுவரை காலமும் சாதனையாக இருந்து வந்தது குறிப்பிடத்தக்கது.