மஹிந்தவின் பாதுகாப்பை உறுதி செய்வதாக, மைத்திரி எழுத்தமூல உறுதி வழங்கும்வரை பாராளுமன்றத்தில் போராட்டம் தொடரும்

முன்னாள் ஜனாதிபதி மஹிந்த ராஜபக்ஸவின் உறுதி செய்வதாக ஜனாதிபதி மைத்திரிபால சிறிசேன எழுத்து மூல உறுதிமொழி வழங்க வேண்டுமென ஐக்கிய மக்கள் சுதந்திரக் கூட்டமைப்பு பாராளுமன்ற உறுப்பினர்கள் கோரிக்கை விடுத்துள்ளனர்.

இந்த உறுதி மொழி வழங்கப்படும் வரையில் பாராளுமன்றில் தொடர்ச்சியாக போராட்டம் நடத்தப்படும் என போராட்டம் நடத்தி வரும் பாராளுமன்ற உறுப்பினர்களில் ஒருவரான டி.பி. ஏக்கநாயக்க தெரிவித்துள்ளார்.

முன்னாள் ஜனாதிபதியின் பாதுகாப்பை உறுதி செய்யுமாறு கோரி மகஜர் ஒன்றை பொதுமக்கள் பாதுகாப்பு அமைச்சர் ஜோன் அமரதுங்கவிடம் பாராளுமன்ற உறுப்பினர்கள் ஒப்படைத்துள்ளனர்.

ஜனாதிபதி மைத்திரிபால சிறிசேன எழுத்து மூலம் உறுதி மொழி வழங்க வேண்டுமென அந்த மகஜரில் குறிப்பிடப்பட்டுள்ளது.

லஞ்ச ஊழல் மோசடி தவிர்ப்பு ஆணைக்குழுவினால் முன்னாள் ஜனாதிபதிக்கு அழைப்பு விடுக்கப்பட்டிருந்தது.

எதிர்வரும் 24ம் திகதி ஆணைக்குழுவில் ஆஜராகி வாக்கு மூலமொன்றை அளிக்குமாறு கோரப்பட்டிருந்தது.

எனினும், இவ்வாறு அழைப்பு விடுக்கப்பட்டமையை ஏற்றுக்கொள்ளக் கூடாது ஐக்கிய மக்கள் சுதந்திரக் கூட்டமைப்பின் பாராளுமன்ற உறுப்பினர்கள் தெரிவித்துள்ளார்.