கொழும்பில் ஆங்கிலத்திலும், யாழ்ப்பாணத்தில் ஹிந்தியிலும் மோடி உரையாற்றியது ஏன்..?

-கீரன்-

இந்தியப் பிரதமர் நரேந்திர மோடி இலங்கை விஜயத்தின் போது ஆற்றிய உரைகளில் முக்கியமானவை இரண்டு. முதல்நாள் ஸ்ரீ ஜெயவர்தனபுரத்திலுள்ள பாராளுமன்றத்தில்; மறுநாள் யாழ்ப்பாண கலாசார நிலையத்திற்கான அடிக்கல் நாட்டும் நிகழ்வில்.

பாராளுமன்றத்தில் ஆங்கிலத்திலும் யாழ் நூலகத்தில் ஹிந்தியிலும் தனது உரைகளை அவர் ஆற்றியமை தற்செயலானவை அல்ல. இருப்பினும், சிலர் இவை தற்செயலானவைதான் எனக் கருதவும் வாதிடவும் கூடும். பெரும்பான்மை சிங்கள மக்களை கருத்தில் கொண்டு தெற்கில் ஆங்கிலத்தில் உரையாற்றிய அவர், சிறுபான்மை தமிழ் மக்களுக்கு வடக்கில் உரையாற்றிய போது எதனை கருத்தில் கொண்டு ஹிந்தியைத் தேர்ந்தெடுத்திருப்பார்..?

தெற்குடன் அறிவுபூர்வமாக பேசவும் வடக்குடன் உணர்வு பூர்வமாக பேசவும் அவர் இரு வேறு மொழிகளைத் தேர்ந்துள்ளார் என்பதை தவிர அதீதமான கற்பனைகளை அரசியலில் விதைப்பதால் ஆகப்போவது ஒன்றுமில்லை.