அட்டாளைச்சேனை அக்-அந்நூர் மகா வித்தியாலயத்தில் ஆசிரியர் பற்றாக்குறை - கல்வி நிலை பாதிப்பு

-எம்.எச்.மக்கீன்-

அட்டாளைச்சேனைப் பிரதேசத்தின் கிழக்குப் பிரதேச எல்லையில் அமைந்துள்ள கோணாவத்தைப் பிரதேசத்தில் அதிக சனத்தொகையையும், அதிகமான வாக்காளர்களையும் உள்ளடக்கிய கிராம சேவகப் பிரிவாக கோணாவத்தைப் பிரதேசம் காணப்படுகிறது. இப்பிரதேசத்தில் அக்-அந்நூர் மகா வித்தியாலயம் இப்பிரதேச மக்களின் கல்வி வளர்ச்சிற்கு என்று இருக்கின்ற ஒரே சொத்தாகும்.

தற்போது இப்பாடசாலையில் ஆசிரியர் பற்றாக்குறை அதிகமாக காணப்படுவதாக பெற்றோர்கள் கவலை தெரிவிக்கின்றனர். குறிப்பாக ஆரம்பப் பிரிவு வகுப்புக்கள் சிலவற்றுக்கு கற்றல் கற்பித்தல் நடவடிக்கைகள் இடம்பெறவில்லை எனவும் முதலாம் தவணைப்பரீட்சை ஆரம்பமாகவிருப்பதும் குறிப்பிடத்தக்கது. ஆனால் தற்போது ஆங்கிலம் மற்றும் இஸ்லாம் பாட ஆசிரியர்கள் மேலதிகமாக இருப்பதாகவும் அண்மையில் பொத்துவிலில் இருந்து இப்பாடசாலைக்கு இடமாற்றப்பட்ட ஆசிரியர்களில்; எல்லோரும் ஆங்கில இஸ்லாம் பாட ஆசிரியர்களே என்பது குறிப்பிடத்தக்கது. மேலும் சில தனிப்பட்ட நபர்களின் விருப்பு வெறுப்புக்கு ஏற்ப இப்பாடசாலையிலிருந்து பல ஆரம்பப் பிரிவு ஆசிரியர்கள் இடமாற்றம் செய்யப்பட்டிருப்பதாகவும் பெற்றோர்கள் கவலை வெளியிட்டுள்ளனர்.