துண்டிக்கப்பட்ட மனித கையொன்று, வெலிக்கடை கால்வாயிலிருந்து மீட்பு

துண்டிக்கப்பட்ட மனித கையொன்று வெலிக்கடை - நாவல கால்வாய் பகுதியில் இருந்து கண்டுபிடிக்கப்பட்டுள்ளது.

நேற்று மாலை குறித்த கால்வாயை சுத்திரிகரிக்கும் பணியில் ஈடுபட்டவர்களினால், தோற்பட்டையுடன் வெட்டி துண்டாக்கப்பட்ட நிலையில் இருந்த இடதுகைப் பகுதி கண்டுபிடிக்கப்பட்டதாக காவல்துறை ஊடகப் பேச்சாளர் ருவன் குணசேகர தெரிவித்தார்.

கடந்த சனிக்கிழமை தெமட்டகொடை - சிறிதம்ம மாவத்தைக்கு அருகில் கழிவகற்றல் கால்வாயில் இருந்து மீட்கப்பட்ட மனித கால்களும், நேற்று கண்டுபிடிக்கப்பட்ட இடது கைப்பகுதியும் ஒரு நபரினுடையதா என விசாரணை நடத்தப்படுகின்றது.

இதன்பொருட்டு மனித உடற்கூற்று பரிசோதனைகள் மேற்கொள்ளப்படுவதாக காவல்துறை ஊடகப் பேச்சாளர் தெரிவித்தார்.

கடந்த 14 ஆம் திகதி சிறிதம்ம மாவத்தைக்கு அருகில் உள்ள கழிவு கால்வாயிலிருந்து துண்டிக்கப்பட்ட மனித கால்களும், சாவிக்கொத்து ஒன்றும் மீட்கப்பட்டிருந்தமை குறிப்பிடத்தக்கது.