தெமட்டகொடையிலிருந்து 2 மனித கால்கள் மீட்பு

தெமட்டகொடை - ஸ்ரீ தர்ம  மாவத்தையில் உள்ள நீர்நிலை ஒன்றிலிருந்து இரண்டு மனித கால்கள்  மீட்டுள்ளதாக பொலிஸார் தெரிவிக்கின்றனர். 

இன்று காலை பொலிஸாருக்கு கிடைத்த விசேட தகவலையடுத்தே பொலிஸார்  இரண்டு கால்களையும் மீட்டுள்ளனர்.

பொலிஸார் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.

அந்த கால்கள் இரண்டும் முழங்கால்களுக்கு மேலே ஆறு அங்குலம் வெட்டப்பட்டுள்ளன என்றும் உடலை காணவில்லை என்றும் பொலிஸார் தெரிவித்தனர். இந்த கால்களின் துண்டுகள் நேற்றிரவு வெட்டப்பட்டிருக்கலாம் என்றும் அவையிரண்டும் ஆணுடையது என்றும் பொலிஸார் தெரிவித்தனர்.