ஜெயராஜ் பெர்னாண்டோ கொலை, மகிந்த அரசின் செயற்பாடுகளில் திருப்தியில்லை - சுதர்ஷினி

முன்னாள் அமைச்சர் ஜெயராஜ் பெர்னாண்டோ புள்ளே கொலை செய்யப்பட்டமை தொடர்பான விசாரணை விடயத்தில் மகிந்த ராஜபக்ச அரசாங்கத்தின் செயற்பாடுகள் குறித்து திருப்தியடைய முடியாது என அவரது மனைவியும் நாடாளுமன்ற உறுப்பினருமான சுதர்ஷினி பெர்னாண்டோ புள்ளே தெரிவித்துள்ளார்.

அவர் மேலும் தெரிவிக்கையில், அமைச்சர் ஜெயராஜ் , ஸ்ரீலங்கா சுதந்திரக் கட்சியின் முன்னாள் பொருளாளர். சிரேஷ்ட அமைச்சர் ஒருவர் கொலை செய்யப்பட்ட சந்தர்ப்பத்தில் அது சம்பந்தமான விசாரணையில் அரசாங்கத்தின் தலையீடுகள் போதுமானதாக இருக்கவில்லை என மன வருத்தம் இருந்தது.

அமைச்சர் ஜெயராஜிக்கு நியாயம் கி்டைக்க வேண்டும் என்ற நிலைப்பாட்டில் நான் இருக்கின்றேன். அரசியல் சேறுபூசப்படாமல், கொலை குறித்து சரியான விசாரணை நடைபெறும் என நாங்க எண்ணுகிறோம் என்றார்.