ஒஸ்மானியா கல்லூரியின் இல்ல விளையாட்டு போட்டியும், ஒன்று கூடலும்..!

ஒஸ்மானியா கல்லூரியின் பழைய மாணவர் சங்கத்தின் அனுசரணையில் (O.B.A.) நடைபெரும் மாபெரும் இல்ல விளையாட்டு போட்டியும், ஒன்று கூடலும்

நீண்டகால இடைவெளிக்கு பின்னர் நாட்டில் ஏற்பட்டுள்ள சமாதான சூழலில் யாழ் ஒஸ்மானியா கல்லூரியின் பழைய மாணவர் சங்கத்தினால் (O.B.A.) பாடசாலையின் 2015-ம் ஆண்டிற்கான மாபெரும் இல்ல விளையாட்டு போட்டி எதிர் வரும் ஞாயிற்றுக்கிழமை (15-02-2015) ஜின்னா மைதானத்தில் நடைபெறவுள்ளது.

இல்ல விளையாட்டு போட்டி நடைபெறும் அதேவேளையில் பாடசாலையின் பழைய மாணவர்கள் அனைவரும் தங்களது இல்லங்களிற்கு உற்சாகமளித்து செயற்படும் நிகழ்ச்சி நிரல்களும் ஒழுங்கு செய்யப்பட்டுள்ளன. 

யாழ் ஒஸ்மானியா கல்லூரியின் கல்வி வளம்சார் அபிவிருத்திகளை நோக்காக கொண்டும், பழைய மாணவர்களை பாடசாலையுடன் இணைக்கும் செயற்திட்டத்தை அடிப்படையாக கொண்டும் இந்த நிகழ்ச்சிகள் ஒழுங்கு செய்யப்பட்டுள்ளன. 

இன்னொரு சிறப்பம்சமாக யாழ் ஒஸ்மானியா கல்லூரியின் பழைய மாணவர் சங்கத்தினால் (O.B.A.) பாடசாலை சகல பழைய மாணவர்களிற்கான ஒரு பொது ஒன்று கூடல் இல்ல விளையாட்டு போட்டிகளின் பின்னர் இடம்பெறவுள்ளது. 

அனைத்து ஒஸ்மானியா கல்லூரியின் பழைய மாணவர்களும் இதற்கு வருகை தந்து கலந்து சிறப்பிப்பதுடன் பாடசாலை அபிவிருத்திக்கு தங்களது ஆதரவை நல்லுமாறும் கேட்டு கொள்கிறோம். அத்துடன் நலன்விரும்பிகள், பொது மக்கள் அனைவரும் இல்ல விளையாட்டு போட்டி மைதானத்திற்கு வருகை தந்து சிறப்பிக்குமாறு பழையை மாணவர் சங்கம் அன்புடன் வேண்டுகோள் விடுக்கிறது. 

எஸ்.எச்.முத்தலிப்

பொதுச் செயளாளர் 

ஒஸ்மானியா கல்லூரி பழைய மாணவர் சங்கம்