மஹிந்த ராஜபக்ஷ, மீண்டும் மக்களின் அமோக ஆதரவைப்பெற்று பிரதமர் ஆவார் - முசம்மில்

மக்களின் அபிலாஷைக்கு அமைய முன்னாள் ஜனாதிபதி மஹிந்த ராஜபக்ஷ மீண்டும் மக்களின் அமோக ஆதரவைப் பெற்று பிரதமர் ஆவார் என்ற நம்பிக்கை தமக்கு இருப்பதாக தேசிய சுதந்திர முன்னணியின் ஊடகப் பேச்சாளர் முசம்மில் குறிப்பிட்டார்.

மக்களை ஒருபோதும் கைவிடப்போவதில்லையென்றும், மக்களின் அபிலா ஷைகளை நிறைவேற்றுவதற்கு நடவடிக்கை எடுக்கப்படும் என்றும் நுகேகொடையில் நடைபெற்ற மக்கள் பேரணியில் வாசிக்கப்பட்ட மஹிந்த ராஜபக்ஷவின் செய்தியில் குறிப்பிடப்பட்டிருந்தது. தான் அரசியலில் இருந்து விலகவில்லையென்றும் மக்களைக் கைவிடப்போவதில்லையென்றும் கூறியிருப்பதனூடாக அவர் மீண்டும் அரசியலுக்கு வருவார் என்பது தெளிவாகிறது.

அதேநேரம், பிரதமர் வேட்பாளராக தன்னை நியமிக்குமாறு யாரிடமும் சென்று கெஞ்சவேண்டிய நிலை முன்னாள் ஜனாதிபதி மஹிந்த ராஜபக்ஷவுக்கு இல்லையென்றும் அவர் குறிப்பிட்டார்.