சந்திரிக்காவிடம் 10 அமைச்சுக்கள் உள்ளன, தகுதியானவர்களுக்கு அவை வழங்கப்படும் - அமைச்சர் குணவர்தன

முன்னாள் ஜனாதிபதி சந்திரிகா பண்டாரநாயக்கவிடம் இன்னும் 10 அமைச்சுக்கள் கைவசம் உள்ளதாகவும், ஸ்ரீலங்கா சுதந்திரக் கட்சியில் தகுதியானவர்களுக்கு அதனை எதிர்வரும் நாட்களில் வழங்கவுள்ளதாகவும் காணி அமைச்சர் எம்.கே.டீ.எஸ். குணவர்தன தெரிவித்துள்ளார்.

கந்தளாயில் இன்று  26-02-2015 நடைபெற்ற நிகழ்வொன்றில் கலந்துகொண்டு கருத்துத் தெரிவிக்கையிலேயே அமைச்சர் இதனைக் கூறியுள்ளார்.

ஜனாதிபதி மைத்திரிபால அரசாங்கத்துக்கு ஆதரவு வழங்காத சகல உள்ளுராட்சி நிறுவனங்களையும் ஆணையாளரின் நிருவாகத்தின் கீழ் கொண்டுவர அரசாங்கம் தீர்மானித்துள்ளதாகவும் அமைச்சர் மேலும் கூறியுள்ளார்.