''மைத்திரியிடம் நான் கேட்டுக்கொள்ளவது என்னவென்றால்'' மஹிந்த ராஜபக்ஷ

(படம் - கந்தளாயில் இன்று ஜனாதிபதியின் ஊடகப்பிரிவினால் பிடிக்கபட்டது)

மக்களை ஏமாற்றி, ஜனாதிபதி தேர்தலை நகைப்புக்கு உட்படுத்துவதை தவிர்த்து கொள்ளுமாறு ஜனாதிபதி மஹிந்த ராஜபக்ஷ பொது வேட்பாளரை கோரியுள்ளார்.

சகல சூழ்சிகளையும் தோல்வியடைய செய்து எதிர்கால சந்ததியினருக்காக நாட்டை கட்டியெழுப்பவுள்ளதாக அவர் குறிப்பிட்டுள்ளார்.

கினிகத்தேன நகரில் இன்று இடம் பெற்ற மக்கள் சந்திப்பில் கலந்து கொண்டு உரையாற்றிய போதே ஜனாதிபதி இதனை கூறியுள்ளார்.

இந்த காலகட்டத்தில் பொய் பிரசாரங்கள் முன் எடுக்கப்படுகின்றன. கூட்டம் ஒன்று ஏற்பாடு செய்யும் போது, வெற்று இருக்கைகள் வைக்கப்படுகின்றன.

அந்த வெற்று இருக்கைகளில் அமர பெரியவர்கள் வர இருக்கிறார்கள் என கூறுகிறார்கள். இதனையே, ஜனவரி எட்டாம் திகதி வரை கூறுவார்கள்.

எனவே, ஜனாதிபதி தேர்தலை நகைப்புக்குரியதாக மாற்ற வேண்டாம் என தாம் தமது முன்னாள் செயலாளரிடம் கேட்டுக் கொள்வதாக ஜனாதிபதி மஹிந்த ராஜபக்ஷ தெரிவித்துள்ளார்.