மஹிந்த ராஜபக்ஸவுக்காக பிரச்சாரம் செய்யும், சவூதி அரேபியாவுக்கான தூதுவர்

-அஸ்ரப் ஏ. சமத்-

சவுதிஅரேபியாவுக்கு புதிய தூதுவராக நியமிக்கப்பட்ட    ஹூசைன் முஹம்மத் கொழும்புக்கு அழைக்கப்பட்டு  கொழும்பு மாநகரப் பிரதேசங்களில் ஜனாதிபதி மஹிந்த ராஜபக்சவுக்கு ஆதரவு திரட்டு முகமாக  இன்று பிரச்சார வேலைகளில் ஈடுபட்டார். 

சிரேஸ்ட அமைச்சர் பௌசியுடன் ஹுசைன் முஹம்மத் சிலேவ் ஜலண்டில் உள்ள வீடுகளுக்குச்  சென்று கெண்வசிங்கில் ஈடுபட்டார். 

ஹூசைன் முஹம்மத்  ஊடகங்களுக்கு தகவல் தருகையில்,

ஜனாதிபதி மஹிந்த ராஜபக்ச அவர்கள் அரபு நாடுகளின் தலைவர்களது நல்ல நண்பன். அதனால் தான் கிண்னியா பாலம் மற்றும் பாதை அபிவிருத்திகளுக்கு சவுதிஅரேபியா நிதி வழங்கியிருந்தமை குறிப்பிடத்தக்கது. 

மஹிந்த ராஜபக்ச அவர்களைப் பற்றியும் அளுத்கம சம்பவம் பற்றியும் இந்நாட்டில் உள்ள சில அரசியல்வாதிகள்  பிழையான தகவல்களை அரபு நாடுகளின் கோப்பிரேசன் தலைவரிடம் சொல்லியிருந்தனர்.

அண்மையில் ஜக்கிய நாடுகள் நிகழ்வில் கலந்துகொள்ளச் சென்ற ஜனாதிபதியை அரபுநாடுகளின் கோப்பிரேசனின் தலைவர் சந்தித்து போது -  ஜனாதிபதி அவர்கள் இலங்கை முஸ்லீம் மக்கள் எனது நண்பன், அவர்களைப் பாதுகாப்பது எணது கடமை எனச் சொல்லியிருந்தார். 

முஸ்லீம்கள் நிம்மதியாகவும் சமாதாணமாகவும் வாழ்கின்றனர். கொழும்பு வாழ் முஸ்லீம்கள்தான் இன்று கொழும்பினை அழகு படுத்தி அபிவிருத்திகளை அனுபவிக்கின்றனர். 

கிழக்கில் வாழும் முஸ்லீம்கள் கூடுதலானோர் மத்திய கிழக்கில் தொழில் செய்கின்றனர். அவர்களது குடும்பம் மற்றும் தாய் பிள்ளைகள் இலங்கையில்  நிம்மதியாக வாழ்வதற்கும் எவ்வித பயமுமின்றி தனியே அவர்களை விட்டுவிட்டு வெளிநாட்டில் வேலை செய்வதற்கும் வழிவகுத்துக் கொடுத்தவா.; யுத்தம் ஓய்ந்த பின் குண்டுவெடிப்பு, மற்றும் பயம் இல்லாமல் செய்துள்ளாhர்   இந்த ஜனாதிபதி மஹிந்த ராஜபகச அவர்கள். ஆகவே முஸ்லீம்கள் இந்த ஜனாதிபதியை ஆதரிக்க வேண்டும் என சவுதி அரேபியாவின் தூதுவர்  ஹூசைன் முஹம்மத் தெரிவித்தார். 

இவர் முன்னாள் சபாநாயகர் எம்.எச்.முஹம்மதின் மகன், கடந்த 35 வருடகாலமாக ஜ.தே.கட்சி சார்பில் கொழும்பு மாநகர மேயராக கடமையாற்றியவர்.