பொறுமையிழந்துள்ள முஸ்லிம் காங்கிரஸ் எம்.பி.க்கள், மீண்டும் ஹக்கிமின் இல்லத்தில் கூட்டம்

ஜனாதிபதி தேர்தலில் யாருக்கு ஆதரவளிப்பது என்ற தீர்மானத்தை, உத்தியோகபூர்வமாக முஸ்லிம் காங்கிரஸ் அறிவிக்காத நிலையில் இன்று திங்கட்கிழமை இரண்டாவது தடவையாக (இலங்கை நேரம் இரவு 8 மணி) முஸ்லிம் காங்கிரஸ் எம்.பி.க்கள் ரவூப் ஹக்கீமுடைய இல்லத்தில் கூடவிருக்கிறார்கள்.

அதேவேளை தலைவர் ரவூப் ஹக்கீமுடன், காரசாரமாக கதைக்கும் படி முஸ்லிம் காங்கிரஸ் எம்.பி.க்கள் ஹசன் அலியை சந்தித்து வேண்டுகோள் விடுத்துள்ளனர்.

ஹசன் அலியை சந்தித்துள்ள முஸ்லிம் காங்கிரஸ் எம்.பி.க்கள் ரவூப் ஹக்கீம், இறுதித் தீர்மானத்தை மேற்கொள்வதில் உள்ள தாமதத்தை விமர்சித்துள்ளனர்.

இந்நிலையில் இன்றும் சில நிமிடங்களில் கூடவுள்ள முஸ்லிம் காங்கிரஸ் எம்.பி.க்கள் கூட்டத்தில் பெரும் காரசாரமான விவாதங்கள் வெடிக்குமென முஸ்லிம் காங்கிரஸ் எம்.பி.க்கள் ஜப்னா முஸ்லிம் இணையத்திற்கு சுட்டிக்காட்டினர்.