அர்ஜெண்டினா தோல்வியடைந்தால் மெஸ்ஸியை குறை கூறாதீர்கள் - மரடோனா

பிரேசிலில் நடைபெற்று வரும் உலகக்கோப்பை கால்பந்து போட்டியில் அர்ஜெண்டினா அணியின் பெர்பாமென்ஸ் குறித்து கருத்து தெரிவித்த மரடோனா கூறியதாவது: -

என்னை பொறுத்த வரையில் நாங்கள் இன்னும் ஆட்டத்தை ஆரம்பிக்க கூட இல்லை. அவர்கள் சீக்கிரம் விழித்துக் கொள்ள வேண்டும். மெஸ்ஸி மட்டுமே அனைத்தையும் செய்ய வேண்டும் என நாம் எதிர்பார்க்கக்கூடாது. மெஸ்ஸி மட்டுமே தனியாக காணப்படுகிறார். அர்ஜெண்டினா அணியின் ஆட்டத்தில் எந்த மாற்றமும் ஏற்படவில்லை. அர்ஜெண்டினா வீரர்கள் தங்களது ஆட்டத்திறமையில் 40 சதவீதம் மட்டுமே தற்போது வெளிப்படுத்தியுள்ளனர். விட்டுக் கொடுக்கும் மனப்பான்மையில் வீரர்கள் பின்தங்கியுள்ளதாக நான் நினைக்கிறேன்.

அவர்களிடமிருந்து கசப்பு, சீற்றம், வெறுப்பு என இன்னும் அதிகமாக நான் எதிர்பார்க்கிறேன். ஏனென்றால் அர்ஜெண்டினாவால் இன்னும் திறமையாக விளையாட முடியும். இதை பயிற்சியாளர் அவர்களுக்கு புகட்டியிருக்க வேண்டும். பெல்ஜியத்திற்கு எதிராக இன்னும் அவர்கள் தயார்படுத்திக் கொள்ள வில்லை என்றால் சிக்கலில் மாட்டிக்கொள்ள வேண்டியிருக்கும்.

இவ்வாறு அவர் கூறினார்.