யாழ்ப்பாணம் - மானிப்பாயில் சிறிய ரக விமானம் மீட்பு

யாழ். நகரில் மானிப்பாய் வீதியில் அமைந்துள்ள தனியார் விடுதியொன்றின் கூரையிலிருந்து  சிறிய ரக விமானம் ஒன்று திங்கட்கிழமை(02) மாலை மீட்கப்பட்டதாக யாழ். பொலிஸ் நிலையப் பொலிஸார் தெரிவித்தனர்.

விடுதியின் மேற்கூரையில் சிறிய ரக விமானம் ஒன்று இருப்பதாக பொதுமக்கள் வழங்கிய தகவலின் அடிப்படையிலே குறித்த விமானத்தினை மீட்டதாக பொலிஸார் தெரிவித்தனர்.

விமானம் மீட்கப்பட்டு பொலிஸ் நிலையத்திற்கு கொண்டு செல்லப்பட்டதாக பொலிஸார் மேலும் தெரிவித்ததுடன், இது தொடர்பான மேலதிக விசாரணைகளையும் மேற்கொண்டு வருகின்றனர்.