கம்பளை முஸ்லிம் மகா வித்தியாலயத்தில் கொள்ளை

(அஸ்-ஸாதிக்)

கம்பளை முஸ்லிம் மகா வித்தியாலயத்தில்   02.06.2014 அதிகாலை எழுபதாயிரம் ரூபாவுக்கும் மேற்பட்ட கற்பித்தல் உபகரணங்களும் ரொக்கப்பணமும் கொள்ளையடிக்கப்பட்டுள்ளதாக பொலிசார் தெரிவித்தனர். 

அதிகாலை பாடசாலையின் மனையியல் கூடத்தை உடைத்துக் கொண்டு பிரவேசித்த கொள்ளையர்கள் இரண்டு காஸ் சிலிண்டர்கள் , காஸ் அடுப்பு ,உணவுப் பதனிடல் உபகரணங்கள் உட்பட சமையல் உபகரணங்களை கொள்ளையடித்துள்ளனர். 

அத்துடன் பாடசாலையின் அதிபர் அலுவலகத்தின் பிரதான கதவை உடைத்துக் கொண்டு உட்புகுந்த கொள்ளையர்கள் அலுவலகத்தில் இருந்த நான்கு அலுமாரிகளையும் உடைத்து சேதப்படுத்தியுள்ளதுடன் ஆவணங்களையும் வீசி எறிந்துள்ளனர். அத்துடன் அலுமாரிகளுக்குள் தேடுதல் மேற்கொண்ட கொள்ளையர்கள் ஏழாயித்து ஐநூறு ரூபா ரொக்கப்பபணத்தையும் கொள்ளையடித்துக் கொண்டு  தப்பிச் சென்றுள்ளனர்.   

இக்கொள்ளைச் சம்பவம் தொடர்பாக கம்பளை பொலிஸ் நிலையத்தில் அதிபரினால் செய்யப்பட்ட முறைப்பாட்டின் பேரில் கம்பளை பொலிஸார் விசாரனைகளை மேற்கொண்டு வருகின்றனர்.