''ரெஸ்லிங்'' அம்பலமாகும் உண்மைகள்..!

(Mn) 

ஜோன் சினா, அண்டர் டேக்கர், ஷோன் மைக்கேல், பிக் ஷோ, கிரேட் காளி, த ரொக், கேன், ரீ மிஸ்ட்­ரியோ, பெட்­டிஸ்ட்டா, எட்ஜ், ரெண்டி ஓர்டன், ட்ரிப்பிள் எச்... என்ன பெயர்­களை கேட்­டாலே சும்மா அதி­ரு­தில்ல. இப்­பெ­யர்­க­ளுக்­கு­ரிய உரு­வங்­களை நினைத்­த­வுடன் உடம்பு முறுக்­கே­று­கி­றதா?

தற்­போது இளை­ஞர்கள் மட்­டு­மன்றி பல­ருக்கும் நன்கு பரீட்சய­மான ரெஸ்லிங் நட்­சத்­தி­ரங்­களே இவர்கள். ஒரு­வரை ஒருவர் இரத்தம் வரு­ம­ள­விற்கு படு பயங்­க­ர­மாக மோதிக்­கொள்ளும் ரெஸ்லிங் ( மல்யுத்தம்) பற்றி தற்­போது அறி­யா­த­வர்­களே இல்லை எனலாம்.

சில வரு­டங்­க­ளுக்கு முன்னர் எம்­ம­வர்­களால் வரு­டத்­திற்கு வெகு சில ரெஸ்லிங் போட்­டி­க­ளையே காணக்­கூ­ய­டி­தாக இருந்­தது. ஆனால் தற்­போது டி.வி.டி, சி.டி, இணையம் என்­ப­வற்றால் ரெஸ்­லிங்கை இல­கு­வாக பார்க்­கக்­கூ­டி­ய­தாக உள்­ளது. தற்­போது தொட­ராக ஒவ்­வொரு வாரமும் ஏன் சில சம­யங்­களில் ஒவ்­வொரு நாளும் பார்க்­கக் ­கி­டைக்­கின்­றது.

இதனால் அர­சியல், சினிமா, விளை­யாட்டு போன்ற விட­யங்கள் போல ரெஸ்லிங் குறித்தும் அடிக்­கடி விவா­தங்­களில் பெரி­ய­வர்கள் கூட ஈடு­ப­டுவர். நீங்­களும் அது­போன்ற ஒரு விவா­தத்தில் பங்­கெ­டுத்­தி­ருக்­கலாம். அவை பெரும்­பாலும் தங்­க­ளது விருப்­புக்­கு­ரிய நட்­சத்­தி­ரங்கள் மற்றும் அவ­ரது அதி­ர­டி­யான சண்­டைகள், விசேட நகர்வு பற்­றி­ய­தாக இருக்கும்.

இவற்­றி­டையே சில சம­யங்­களில் ரெஸ்லிங் என்­பது ஒரு வீர விளை­யாட்டா? அல்­லது ரசி­கர்­களை மகிழ்ச்­சிப்­ப­டுத்தும் ஏமாற்று விளை­யாட்டா? எனவும் கேள்­விகள் எழுந்­தி­ருக்கும். அவ்­வா­றான சந்­தர்ப்­பங்­களில் அத்­தனை பாரிய உட­ல­மைப்பை கொண்டு இரத்தம் வர அடித்து நொறுக்­கு­வ­தெல்லாம் பொய்யா? என ரெஸ்லிங் ரசி­கர்கள் ஆத்­தி­ர­ம­டை­யக்­கூடும்.

உண்­மையில் தொலைக்காட்சியை இலக்காக கொண்ட ரெஸ்லிங் நிஜமா? நிழலா? என்­பதை அறிய முற்­ப­டு­ப­வர்கள் தொடர்ந்து வாசி­யுங்கள். ரெஸ்­லிங்கின் அடிப்­படை கிரேக்க - ரோமன் மல்­யுத்­தத்­தி­லி­ருந்து உரு­வா­ன­தொரு விட­ய­மாகும். அதுவே தற்­போது பிறீஸ்டைல் ரெஸ்­லிங்­காக மாற்­ற­ம­டைந்­துள்­ளது.

கிரேக்க - ரோமன் மல்­யுத்­தத்தில் ஒரு­வரை ஒருவர் தூக்­கு­வதை இலக்­கா­கக்­கொண்டு நகர்­வுகள் இடம்­பெறும். ஆனால் ரெஸ்­லிங்கில் ஒருவர் எழுந்­தி­ருக்க முயா­த­ள­விற்கு அடித்து வீழ்த்த முயற்­சிப்பர்.

இவர்களின் ரெஸ்லிங் விளை­யாட்­டுக்­கென திட்­ட­மி­டப்­பட்ட ஒழுங்­க­மை­வான தீர்­மா­ன­மிக்க சட்ட திட்­டங்கள் கிடை­யாது. ரசி­கர்­களை உற்­சா­க­மூட்டும் வகை­யி­லான சண்­டை­க­ளுடன் முழுக்க முழுக்க திட்­ட­மி­டப்­பட்ட ஒரு திரைக்­கதை மூலம் ஒவ்­வொரு ரெஸ்லிங் போட்­டியும் இடம்­பெ­று­கின்­றது. இது ஆச்­ச­ரி­ய­மாக இருக்­கின்­றதா?

உங்கள் ரெஸ்லிங் நட்­சத்­தி­ரங்­களின் அத்­தனை வெற்­றி­களும் ஏன் அவர்­க­ளது ஒவ்­வொரு அசைவும் திரும்­பலும் கூட ஏற்­க­னவே தீர்­மா­னிக்­கப்­பட்ட ஒன்­றுதான்.

அப்­ப­டி­யானால் ஒவ்­வொரு அடியும் பொய்யா? என்றால் இல்லை. ஆனால் அந்த ஒவ்­வொரு  அடியும் அடுத்­த­வ­ருக்கு வலிக்­காமல் எவ்­வாறு அடிப்­பது, உதைப்­பது என பல­முறை ஒத்­திகை பார்த்து பயிற்சி பெற்ற பின்­னரே மோதிக்­கொள்­வார்கள்.

ஒரு­வ­ருக்கு மேலாக அத்­தனை இல­கு­வாகப் பாய்­வது, பாரிய உட­லைக்­கொண்ட ஒரு­வரை தூக்கி எறி­வது, பல அடி உய­ரத்­தி­லி­ருந்து கீழே பாய்­வது போன்ற அப­ரி­மி­த­மான செயற்­பா­டு­களை இலா­வ­க­மாக செய்ய நன்கு பயிற்சி பெற்­ற­வர்­களே ரெஸ்லிங் வீர­ராக மாற முடியும். அவர்கள் சிறந்த ஜிம்­னாஸ்டிக் கலை­ஞர்­க­ளா­கவும் சம­யோ­சி­த­மாக செயற்­படும் நடி­க­ரா­கவும் இருக்க வேண்டும்.

இருப்­பினும் கரணம் தப்­பினால் மரணம் போன்ற சாக­ஸங்­க­ளையும் ரெஸ்லிங் வீரர்கள் செய்­கின்­றார்கள். அவர்­க­ளது நகர்­வு­களை நாம் செய்­து­பார்க்­கப்­போனால் ஆபத்­தான விளை­வுகள் ஏற்­படும். ரெஸ்லிங் வீரர்­களோ அதில் கைதேர்ந்­த­வர்கள். ஆனால் சில சந்­தர்ப்­பங்­களில் அவர்­க­ளுக்கும் நிஜ­மா­கவே பாரிய உபா­தைகள் ஏற்­படும். அதனை வழக்­க­மான தொழில்­க­ளி­லுள்ள சவால்­களை போன்­ற­தா­கவே ரெஸ்லிங் வீரர்­களும் தங்­க­ளது தொழில்­ரீ­தி­யி­லான ரெஸ்­லிங்கில் ஈடு­ப­டு­கின்­றனர்.

ஆரம்­பத்தில் ரெஸ்லிங் போட்டி, விளை­யாட்­ட­ாகவே இருந்­தது. ஆனால் தொழில் ரீதி­யாக பல­கோடி வரு­மானம் ஈட்டச் செய்யும் ரெஸ்­லிங்கை பொழு­து­போக்­காக மாற்றி சுமார் 60 வரு­டங்­க­ளா­கின்ற நிலையில் இது­வ­ரையில் ரெஸ்லிங் வீரர்கள் ஒரு­வரை ஒருவர் தாக்கி உயி­ரி­ழந்­த­தில்லை என்­பது குறிப்­பி­டத்­தக்­கது.

ஆனால் பாயும்­போது மற்றும் மார­டைப்பு ஏற்­பட்டு போட்டி­யின்­போது மூவர் இறந்­துள்­ள­தாக அதி­கா­ர­பூர்­வ­மற்ற தக­வல்கள் தெரி­விக்­கின்­றன. மேலும் வீராங்­கனை  ஒருவர் உட்­பட 3 பேர் வைத்­தி­ய­சா­லையில் அனு­ம­திக்­கப்­பட்ட வேளை­யில் உயி­ரி­ழந்­துள்­ள­தா­கவும் தெரி­விக்­கப்­ப­டு­கின்­றது.

போட்­டி­யின்­போது நடு நெற்­றி­யி­லேயே இரத்தம் சொட்­டு­வதும் செயற்­கை­யா­னதே. இதற்­காக பிரத்­தி­யே­கமான ஒரு திர­வமும் சாத­னமும் பயன்­ப­டுத்­தப்­ப­டு­கின்­றன. இவற்­றினை முறை­யாக இயக்­குநர், கிரபிக்ஸ் இன்றி செயற்­ப­டுத்த குறி­யீட்டு சொற்­களும் இவர்­க­ளுக்­கி­டையில் உண்டு. இது 'கேபேப்' என அழைக்­கப்­படும். தற்­போதைய பிரோ ரெஸ்­லிங்கில் 'கேபேப்' குறி­யீட்டு முறை  பயன்­ப­டுத்­தப்­ப­டு­வது குறைவு.

அத்­துடன் சண்­டைக்­காக பயன்­ப­டுத்தும் கதிரை, மேசைகள் முதற்­கொண்டு அத்­த­னையும் போலி­யா­ன­வையே. மேலும் இவர்கள் மோதும் ரிங் எனப்­படும் அந்த மேடை­யா­னது நூற்­றுக்­கணக்­கான கிலோ எடை­யையும் தாங்கும் வல்­ல­மையும் ஒரு மெத்­தை­போன்ற அமைப்­பு­மாகும்.

ரெஸ்லிங் வீரர்­களின் போலி­யான நடிப்பை அறிய பாரிய அறி­வொன்றும் தேவை­யில்லை. நீங்கள் பார்க்கும் வீடி­யோவின் வேகத்தை சற்றே குறைத்­து­விட்டு பார்த்­தாலே பல அசை­வு­களின் செயற்கைத் தனமும் போலி­யான அடி­களும் தெளி­வாகத் தெரியும். மோது­ப­வர்­க­ளுக்கு இடை­யி­லான துல்­லி­மான நேர இடை­வெளி தவ­று­மி­டத்து அது அப்­பட்­ட­மா­கவே தெரியும்.

பெரும்­பா­லான ரெஸ்லிங் ரசி­கர்கள் அது பொய்­யெனத் தெரிந்தும் நேர­டி­யா­கவும் திரை­யிலும் பார்த்து மகிழ்ச்­சிப்­ப­டு­வதை நிறுத்­த­வில்லை. தொடர்ந்து ரெஸ்­லிங்கிற்­கான ஆத­ரவு அதி­க­ரித்­துக்­கொண்டே இருக்­கி­றது.

மொத்­தத்தில் மக்கள் முன்­னி­லையில் ஒரே தட­வையில் எடுக்­கப்­படும் இந்த நேரடி  அதிரடி சண்டை சினி­மா­வுக்கு ஆத­ரவு அதி­கமே. அதே­நே­ரத்தில் ரெஸ்­லிங்கை நடாத்தும் நிறு­வ­னங்­களும் அதன் வீரர்­களும் கோடிக்­க­ணக்­கான வருமானத்தை ஈட்டி வருகிறனர்.

இதில் அமெ­ரிக்­காவைத் தள­மா­கக்­கொண்ட WWWF  என்ற பெயரில் ஆரம்­ப­மாகி  WWF  என மாற்றம் பெற்று தற்­போது WWE (World Wrestling Entertainment)  என்ற பெய­ருடன் இயங்கும் நிறு­வ­னத்தில் மட்டும் பிர­பல்­ய­மான வீரர்கள் உள்­ள­டங்­க­லாக 700க்கும் அதி­க­மான ஊழி­யர்கள் பணி புரி­கின்­றமை குறிப்­பி­டத்­தக்­கது.

அதே­போன்று WWC, WEW, ECW, NWS    என இங்­கி­லாந்து, கனடா, அமெ­ரிக்கா, ஜப்பான், மெக்­ஸிகோ உள்­ளிட்ட பல நாடு­களில் 100க்கும் மேற்­பட்ட ரெஸ்லிங் நிறு­வ­னங்கள் உள்­ளன. உங்­க­ளது ஆர­வா­ரத்­துக்­கி­டையில் இந்­நிறு­வ­னங்­களில் வீரர்கள் அடிக்கும் ஒவ்வொரு அடிக்கும் பணம் கொட்டும் என்பது மட்டுமே உண்மை.

-ஏ.எம்.ஆர