ஜப்னா முஸ்லிம் இணையம் குறித்த ஒரு விமர்சனம்..!

ஒரு சமுதாயத்தின் தலையெழுத்தை மாற்றக்கூடிய சக்தி, எழுத்துக்களுக்குண்டு என்பதை யாரும் அறியாமலில்லை. இதனையே கடந்த கால அரபுலக போர்கள் (ஈராக், லிபியா, எகிப்து, எமன் இப்படி பல நாடுகள்) எமக்கு சான்று பகர்கிறது. எழுத்தூடகங்களினூடான மக்களுக்கான அரைகூவலும் தட்டிக்கொடுப்புமே மக்களை ஆழ்ந்த உறக்கத்திலிருந்தும் இந்த நாடுகளில் அவர்களை எழுந்துகொள்ள செய்தது என்பதை உலகமே அறியும்.

ஒரு சமுதாயம் சமுதாயமகா இருக்கும் வரைக்கும் எவரும் அதை அசைத்திட முடியாது. வழிதவறிய ஒரு சமுதாயத்தை மீட்டெடுக்கும் பொறுப்பும் எமக்குண்டு. அந்த வகையில் கோமா நிலையில் வாழும் எம் இலங்கை மக்களை எப்படியாவது சுய உணர்வுக்கு கொண்டுவந்து சேர்ப்பது நம்மில் சிலரின் கடமை. இதனை தனிப்பட்ட ஒருத்தரால் செய்துவிடமுடியாது, பலரும் இந்த உண்மையை அறிந்து கூட்டாக செயற்படும்போது மட்டுமே ஏதோ ஒன்றை சாதிக்கமுடியும் என்பது பலரும் அறிந்த உண்மை. இறைவன் வகுத்த பாதையை விட்டும் மனிதன் விலகிச்செல்லும்போது நிச்சயம் மனிதன் என்பவன் பல இடர்களை அவனது பயனத்தில் கண்டுகொள்வான். இறைவனின் பாதையை மறந்த எம் மனிதர்களை ஞாபகப்படுத்தி மீண்டும் அந்த பாதைக்கு கொண்டுவந்து சேர்ப்பது எம் கடமை. 

ஒரு பொது ஊடகம் என்ற வகையில் ஜப்னா முஸ்லிமால் எல்லா செய்திகளையும் மார்க்கத்தை சம்பந்தப்படுத்தி சரிபிழை கண்டு எழுதிடமுடியாது. ஏனெனில் அது ஒரு மதசார்பான ஊடகமுமில்லை. இருப்பினும் வாசகர்களாகிய நாங்கள் கொடுக்கும் பின்னூட்டங்களையாவது பஞ்சமின்றி தடையின்றி பிரசுரிக்கலாமல்லவா..? இன்று சுதந்திரமான எழுத்தாக்கம் கொண்ட, பலராலும் பார்வையிடப்படுகின்ற, வாசகர்களின் உணர்வுக்கும் கருத்துக்கும் இடமளிக்கின்ற ஊடகமே ஜப்னா முஸ்லிம்தான். ஆகையால் எப்பொழுதும் தன் கடமையை சரிவர செய்ததாக அது அமைதல் வேண்டும்.

ஆனாலும், சொற்ப அளவிலேயே மதம் சார்பான பின்னூட்டங்கள் தங்களின் வலையமைப்பில் சேர்த்துக்கொள்ளப்படுகின்றன. பெரும்பாலும், பின்னூட்டங்களுக்கு பொருப்பான ஜப்னா முஸ்லிம் அதிகாரி, ஏதோ ஒரு ஹுப்புல் அவ்லியா மத இயக்கத்தை மட்டும் சார்த்தவர் போலும் தெறிகிறது. குறிப்பாக மிக அண்மையில் நடந்த அஸ்வர் எம்பி. ஜனாதிபதிகள் கலந்துகொண்ட, அவர்களால் திறந்துவைக்கப்பட்ட தரீக்கா சம்பந்தமான உங்கள் செய்திக்கு நானும் கொடுத்த பின்னூட்டங்கள் இன்று வரையில் மக்களுக்கு சென்றடையவில்லை. இனைவைத்தல் இறைவன்பால் மண்ணிக்கப்பட முடியாத குற்றம். இதனை நாங்கள் வழிகேட்டில் செல்லும் நம்பிக்கை கொண்டவர்களை விளங்கவைப்பதும் கடமை. ஊடகம் என்ற வகையில் உங்களால் சரி பிழையை எழுதமுடியாது. நீங்கள் ஜப்னா முஸ்லிம் எங்களுக்காக விட்டு செல்லும் இடைவெழியை வாசகர்களாகிய நாங்களே நிரப்பவேண்டும்.

மீண்டும் மனிதன் எப்போது அவனது மார்க்கத்திற்கு வருகிறானோ, அப்போதே,அவனுக்கான அனைத்தும் சீராக திறந்துவிடப்படும். இதனால், மார்க்கத்தை பின்னூட்டங்களால் எடுத்து சொல்லப்போய், மக்களும் மனம் மாறி, மக்களுக்கான ஆட்சியும் மக்களின் விருப்புக்கு ஏற்ப நிச்சயம் மாறிவிடும்.

இன்று மதத்தை மறந்து அற்ப சுகத்திற்காக பணத்திற்காக மக்களை ஏமாற்றி பொய்சொல்லி காலத்தை கடத்தும் சம்பாதிக்கும் இலங்கை அரசியல் வாதிகள் ஏராளம், தாராலம். துரதிஷ்டவசமாக இன்று இலங்கையில் சகல இன மக்களும் வெளியில் சொல்லமுடியாத வாழ்க்கை கஷ்டத்தில் உள்ளார்கள் என்பது நாம் சொல்லி தெறிய தேவையில்லை.

முஸ்லிம் பள்ளிவாயல்கள் எதுவும் உடைக்கபடவில்லை என்ற ஜனாதிபதியின் அன்றைய உங்களது செய்திக்கு, நம் சகோதரர்கள் ஆக்கிறோசமடைந்து கொடுத்த தொடர்சியான பின்னூட்டங்கள் அனைத்தும் நகைச்சுவையாகவும், பெருமதியுள்ளதாகவும், ஒருத்தரை ஒருத்தர் உட்சாகப்படுத்துவதாகவும் அமைந்தது, இத்தனைக்கும் ஜப்னா முஸ்லிமின் மெச்சத்தக்க வாசகர்களுக்கான திறந்துவிடப்பட்ட பின்னூட்ட வசதியே காரணம், இந்த வசதி எக்காலும் வரையருக்கப்பட்டதாகவோ, பக்கசார்பானதாகவோ இருக்ககூடாது என்பதே எங்களின் வேண்டுகோள்.

ஒருவூடகம் என்ற வகையில், தனிமுஸ்லிம்களுக்கு மட்டும் கலமமைக்கப்பட்டதாகவும் ஜப்னா முஸ்லிம் இருத்தல் கூடாது,அது பல இன சகோதர மக்களையும் வரவேற்றதாக கருத்துக்கும் பின்னூட்டலுக்கும் வழிவகுத்ததாகவும் இருந்து நற்பெயரை அடைதல் வேண்டும்.கவணிக்கத்தக்க வகையில் சொற்ப தமிழ் சகோதரர்கள், குறிப்பாக கோகிலா மோகன் எனும் வாசகன்/வாசகி உங்கள் ஊடகத்திலும், இஸ்லாமிய மார்க்கத்தை உங்கள் செய்திகளினூடாக அறிய ஆவலாய் இருந்து முஸ்லிம் மக்களிடம் கேள்விகள் கேட்டதையும், சில கேள்விகளே அப்போது முஸ்லிம் சகோதரரர்களால் பதிலளிக்கப்பட்டிருந்ததையும் நாம் இங்கு ஞாபகப்படுத்தல் வேண்டும்.

ஆக,வாசகர்களை அவர்களது கருத்துக்களுக்களை மதிப்பளித்து இடமளித்து இந்த ஊடகத்தை மேலும் பலமக்களுக்கு சென்றடைய வளர்ச்சியடை வைப்பதா அல்லது இத்தனையும் போதுமென்றளவில் உங்களின் விலாசத்தையும் விசாலத்தையும் சுருங்கவைப்பதா என்பதை ஜப்னா முஸ்லிமே முடிவெடுக்க வேண்டும்.

உங்களில் எவர் ஈமான் கொண்டு (ஸாலிஹான) - நற்செயல்கள் புரிகிறார்களோ அவர்களை, அவர்களுக்கு முன்னிருந்தோரை(ப் பூமிக்கு) ஆட்சியாளர்களாக்கியது போல், பூமிக்கு நிச்சயமாக ஆட்சியாளர்களாக்கி வைப்பதாகவும், இன்னும் அவன் அவர்களுக்காக பொருந்திக் கொண்ட மார்க்கத்தில் அவர்களை நிச்சயமாக நிலைப்படுத்துவதாகவும், அவர்களுடைய அச்சத்தைத் திட்டமாக அமைதியைக் கொண்டு மாற்றி விடுவதாகவும், அல்லாஹ் வாக்களித்திருக்கிறான்; “அவர்கள் என்னோடு (எதையும், எவரையும்) இணைவைக்காது, அவர்கள் என்னையே வணங்குவார்கள்;” இதன் பின்னர் (உங்களில்) எவர் மாறு செய்(து நிராகரிக்)கிறாரோ அவர்கள் பாவிகள்தாம்.(24:55)

உங்களின் வாழ்க்கை நிலையைப்பொருத்தே உங்கள் மீதான ஆட்சியாளர்கள் நிர்ணயிக்கப்படுகிறார்கள் என்ற இஸ்லாத்தின் மற்றுமொரு கூற்றையும் ஞாபகப்படுத்துகிறோம்.

ஷாஜகான்.