ஹிதாயா பள்ளிவாயல் குர்ஆன் மத்ரசா மண்டபத்தில் நடைபெற்ற இரத்ததான முகாம்

(ஏ.ஜி.ஏ.கபூர்)

அக்கரைப்பற்று- 06 அனர்த்த முகாமைத்துவக் குழுவினர் அக்கரைப்பற்று ஆதார வைத்திய சாலை இரத்த வங்கியுடன் இணைந்து நடாத்திய மாபெரும் இரத்ததான முகாம் அக்கரைப்பற்று ஹிதாயா பள்ளி வாயல் குர்ஆன் மத்ரசா மண்டபத்தில் நடைபெற்றது.

நேற்று (30.03.2014) ஞாயிற்றுக்கிழமை அக்கரைப்பற்று மாநகர சபை உறுப்பினரும், அனர்த்த முகாமைத்துவக் கழுவின் செயலாளருமான என்.எம்.நஜுமுதீன் தலைமையில்; இரத்தம் கொடுப்போம் உயிர்காப்போம் என்ற தொனிப் பொருளில்  நடாத்தப்பட்ட இவ் இரத்ததான முகாமில் அக்கரைப்பற்று ஆதார வைத்தியசாலை இரத்த வங்கியைச் சேர்ந்த டாக்டர் எம்.எஸ்.ஏ.சுஹா குரே, இரத்த வங்கி தாதிய உத்தியோகத்தர் எம்.ஏ.ஆப்தீன், மற்றும் வைத்திய சாலை உத்தியோகத்தர்கள், அக்கரைப்பற்று-06 கிராம உத்தியோகத்தரும் அக்கரைப்பற்று- 06 அனர்த்த முகாமைத்துவக் குழுத் தலைவருமான ஏ.எல்.என்.மீராலெவ்வை மற்றும் குழு உறுப்பினர்கள் முதலியோர் கலந்து கொண்டனர்.

டாக்டர் பரிசோதனை மேற் கொள்வதையும் இரத்த தானம் வழங்க வந்தவர்கள் இரத்தம் வழங்குவதையும் படங்களில் காணலாம்.