அம்பாறை மாவட்ட ஊடகவியலாளர் சம்மேளனத்தின் 'ஊடக சங்கமம்' (படங்கள் இணைப்பு)

(யு .எம் இஸ்ஹாக் +எஸ்.அன்சப் இலாஹி) 

 

அம்பாறை மாவட்ட ஊடகவியலாளர் சம்மேளனத்தின் 'ஊடக சங்கமம் குடும்ப ஒன்று கூடல்’ நிகழ்வு சனிக்கிழமை   (2014-03-01) மருதமுனை அல்மதினா வித்தியாலய வளாகத்தில் மிகவும் கோலாகலமாக நடைபெற்றது.

சம்மேளனத்தின் தலைவர் மீரா எஸ் இஸ்ஸதீன் தலைமையில் நடைபெற்ற இந்த நிகழ்வில் பிரதம அதிதியாக மைஹோப் நிறுவனத்தின் முகாமைத்துவப் பணிப்பாளர் சித்தீக் நதீர் கலந்து கொண்டார்.

விஷேட அதிதிகளாக அக்கரைப்பற்று மாநகர சபை உறுப்பினர் எஸ்.எம்.சபீஸ், கணக்காளர் றிஸ்வி யஹ்சர். அல்மதினா அதிபர் ஏ.ஆர் நிஃமத்துல்லா சமூக சேவையாளர் ஏ.ஏ.ஹமீத்இ ஆகியோரும் கலந்து கொண்டனர்.

இவர்களுடன் அம்பாறை மாவட்ட ஊடகவியலாளர் சம்மேளனத்தின் சிரேஸ்ட மற்றும் கனிஸ்ட உறுப்பினர்களும் குடும்பத்தினரும் கலந்து கொண்டனர்.

இந்த ஊடக சங்கமத்தில் பாடகர்களான நிந்தவூர் ஏ.எம்.முஸ்தபா (ஓய்வு பெற்ற ஜி.எஸ்) மருதமுனை எஸ்.எம்.கமால்தீன்இ எம்.ஏ.றியாஸ் (பெண்குரல் பாடகர்) வி.சுகிர்தகுமார்;இ இளம் பாடகர் எஸ்.கிருஸ்மன் ஆகியோர் பல பாடல்களைப்பாடி சபையோரை மகிழ்வித்தனர்.

ஓய்வுபெற்ற கல்விக் கல்லூரி உடற்கல்வி விரிவுரையாளர் எம்.ஐ.எம்.முஸ்தபா தலைமையில் குடும்ப உறுப்பினர்களுக்கான விளையாட்டுப் போட்டி நிகழ்ச்சிகளும்; நடைபெற்றன.

இறுதியில் பிரதம அதிதி மைஹோப் நிறுவனத்தின் முகாமைத்துவப் பணிப்பாளர் சித்தீக் நதீர், விஷேட அதிதிகளான அக்கரைப்பற்று மாநகர சபை உறுப்பினர் எஸ்.எம்.சபீஸ், சமூக சேவையாளர் ஏ.ஏ.ஹமீத் ஆகியோரின் சேவையை கௌரவித்து அம்பாறை மாவட்ட ஊடகவியலாளர் சம்மேளனத்தின் சார்பாக அதன் தலைவரும்; சிரேஸ்ட ஊடகவியலாளாளருமான மீரா எஸ் இஸ்ஸதீன், மூத்த உறுப்பினர்களும் சிரேஸ்ட ஊடகவியலாளாளருமான ஏ.எல்.எம்.சலீம், எம்.ஏ. பகுறுதீன் ஆகியோர் பொன்னாடை போர்த்தி கௌரவித்தனர்.