இலங்கை தொடர்பில் அவதானமாக இருக்கவும் - வசிம் அக்ரம் எச்சரிக்கை

இலங்கை தொடர்பில் அவதானமாக இருக்கவும்; வசிம் அக்ரம் எச்சரிக்கை

இலங்கை அணிக்கு எதிராக நாளை மறுதினம்  நடைபெறவுள்ள ஆசியக் கிண்ண இறுதிப் போட்டியில் பாகிஸ்தான் அணி வெற்றி பெறுவதற்கான தருணத்தினை எதிர்பார்த்துள்ளதாக பாகிஸ்தான் கிரிகெட்  அணியின் முன்னாள் தலைர் வசிம் அக்ரம் தெரிவித்துள்ளார்.

எனினும் மிஸ்பா உல் ஹக் தலைமையிலான பாகிஸ்தான் அணி இலங்கை அணி தொடர்பில் மிகவும் அவதானமான இருக்க வேண்டும் என அவர் எச்சரிக்கை விடுத்துள்ளார்.

இலங்கை அணி பலம் பொருந்திய அணியாக இருப்பதால் அது குறித்து அவதானத்துடன் செயற்பட வேண்டிய அவசியம் பாகிஸ்தான் அணிக்கு உள்ளதாக அந்நாட்டு தொலைக்காட்சி ஒன்றிற்கு வழங்கிய செவ்வியில் அவர் குறிப்பிட்டுள்ளார்.

சஹிட் அப்ரிடியின் சிறப்பான துடுப்பாட்டம் அணிக்கு கூடுதல் பலத்தினை வழங்கியுள்ளதாகவும், அதன் காரணமாகவே இந்தியாவுடனான போட்டியில் வெற்றி பெறமுடிந்ததாகவும் அவர் கூறியுள்ளார்.

சஹிட் அப்ரிடியின் அபார துடுப்பாட்டமே பங்களாதேஷ் அணியின் 327 என்ற வெற்றி இலக்கினை அடைய காரணமாக அமைந்ததாகவும் அவர் சுட்டிக்காட்டியுள்ளார்.