ஆசியகோப்பை கிரிக்கெட் பைனல் பாகிஸ்தான் - இலங்கை நாளை பலப்பரீட்சை

ஆசிய கோப்பை கிரிக்கெட் போட்டியில் இலங்கை, இந்தியா, பாகிஸ்தான், வங்கதேசம், ஆப்கானிஸ்தான் ஆகிய 5 நாடுகள் பங்கேற்று விளையாடின. லீக் ஆட்டங்களின் முடிவில் இந்தியா, வங்கதேசம், ஆப்கானிஸ்தான் ஆகிய அணிகள் வெளியேறின. இலங்கை, பாகிஸ்தான் அணிகள் இறுதி போட்டியில் விளையாட தகுதி பெற்றன. இலங்கை அணி தான் மோதிய 4 ஆட்டத்திலும் அபார வெற்றி பெற்றது. 

பாகிஸ்தான் அணி 3 ஆட்டத்தில் வெற்றியை ருசித்தது. இலங்கைக்கு எதிராக மட்டும் தோல்வியை சந்தித்திருந்தது. இந்நிலையில் மிர்பூரில் நாளை நடைபெறும் பைனலில் கோப்பையை வெல்வதற்காக இலங்கை& பாகிஸ்தான் அணிகள் பலப்பரீட்சை நடத்துகின்றன. இரு அணிகளும் பேட்டிங், பந்து வீச்சில் சமபலம் வாய்ந்தவை என்பதால் கோப்பையை வெல்வதில் கடும் போட்டி இருக்கும். பிற்பகல் 1.30 மணிக்கு நடைபெறும் ஆட்டத்தை ஸ்டார் ஸ்போர்ட்ஸ் ஒளிபரப்பு செய்கிறது.