யாழ் - மண்கும்பான் ஜும்மா பள்ளிவாசல் சபைத்தலைவர் காலமானார்

(பா.சிகான்)

யாழ் மண்கும்பான் ஜும்மா பள்ளிவாசல் பரிபாலன சபைத்தலைவர் செய்யது முஹம்மது புகாரி (வயது-77) என்பவர் இன்று  02-03-2014 காலமானார். இன்னாலில்லாஹி வயின்னா இலைஹி இராஜிஉன்.

இவர் கடந்த காலங்களில் வன்செயலால் பாதிப்படைந்திருந்த மேற்படி பள்ளிவாசலை புனரமைத்து அதன் தலைவராக சுமார் 5 வருடங்களிற்கு மேலாக கடமையாற்றியுள்ளார்.

அவரது காலத்தில் குறித்த பள்ளிவாசல் பல விருத்திகளை அடைந்துள்ளமை குறிப்பிடத்தக்கது.

8 பிள்ளைகளின் தந்தையான இவர். சிறிது காலம் நோய் வாய் பட்ட நிலையில் வைத்தியசாலையில் சிகிச்சை பெற்றுவந்த நிலையில் வீடுதிரும்பியிருந்தார்.

இவ்வாறு இருந்த நிலையில் இன்று காலை வபாத் ஆனதாக உறவினர்கள் தெரிவித்தனர்.

இவரது ஜனாசாவில் அதிகளவாக மக்கள் கலந்த கொண்டிருந்தமையை காணமுடிந்தது.