அட்டாளைச்சேனை, கோட்டமட்ட எழுத்தாக்கப் போட்டிகள்

(கே.சி.எம்.அஸ்ஹர்)

இவ்வருடத்திற்கான அட்டாளைச்சேனை, கோட்டமட்டத் தமிழ்த்தினப் போட்டிகளின் ஒரு அங்கமான எழுத்தாக்கப் போட்டி நிகழ்வுகள் கோட்டக்கல்வி அதிகாரி எம்.எ.சி.கஸ்ஸாலி அவர்களின் வழிகாட்டலில் தமிழ்த் தினக்குழச் செயலாளர் எம்.எ.சி.ஹாரித் தலைமையில் நடைபெற்றது.இந்நிகழ்வுகளின் பிரதம ,பரீட்சகராகவும் ,வலயக்கல்வி அலுவலக இணைப்பாளராகவும் எம்.எ.எல்.எம்.இப்ராஹிம் அவர்கள் கலந்து கொண்டார்.இவருடன் இணைந்து தமிழ்த் தினக் குழுவினரும் சிறப்பாகச் செயற்பட்டனர்.

வழமையை விட இவ்வருடம் மிகவும் சிறப்பாகவும் ,தரமாகவும் கோட்டமட்டத் தமிழ்தினப்போட்டிகள் ஒரே நியதியின் அடிப்படையில் நடாத்தப்பட்டு ,பொருத்தமான நடுவர் குழுவால் தேர்வுகள் இடம்பெற வேண்டும். என்ற 'அக்கரைப்பற்று வலயக்கல்வி அலுவலக தமிழ்த்துறை உதவிக்கல்விப்பணிப்பாளர் ஹனீபா இஸ்மாயில்' அவர்களின் திட்டத்தின் அடிப்படையில் பொத்துவில் ,அட்டாளைச்சேனை ,அக்கரைப்பற்று ஆகிய கல்விக் கோட்டங்களில் ஒரே தினத்தில் ஒரே நேரத்தில் நடாத்தப்பட்டது.எழுத்தாக்கத்திறனுக்காக போட்டித் தலைப்புகள் மிகவும் இரகசியமான முறையிலும் ,நம்பகத்தன்மையின் அடிப்படையிலும் வலயக்கல்வி அலுவலகத்தால் நேரடியாக விநியோகிக்கப்பட்டது. இந்நிகழ்வுகளை  பார்வையிடுவதற்கு தமிழ்க்கல்விப்பணிப்பாளர் ஹனீபா இஸ்மாயில் அவர்களும் ,உதவிக் கல்விப்பணிப்பாளர் எம்.றகுமதுல்லா அவர்களும் நேரடியாக விஜயம் செய்ததும் குறிப்பிடத்தக்கது.அடுத்த அங்கமான அரங்க நிகழ்வுகள் யாவும் எதிர்வரும் 22.03.14 சனிக்கிழமை நாடாத்தப்படவுள்ளது.