மலேசிய விமானம் விபத்தில் சிக்கவில்லையாம்..!

கோலாலம்பூரில் இருந்து பீஜிங் சென்ற விமானம் மாயமாகி உள்ளது. இந்த விமானம் விபத்தில் சிக்கி, கடலில் விழுந்துவிட்டதாக வியட்நாம் ஊடகங்கள் செய்தி வெளியிட்டன. இதையடுத்து, 40 கப்பல்கள், 22 விமானங்கள் மற்றும் ஹெலிகாப்டர்கள் வியட்நாம் கடல் பகுதியில் தேடுதல் பணியில் ஈடுபட்டுள்ளன. இந்நிலையில், விமானத்தில் சென்ற நால்வர் போலி பாஸ்போர்ட் எடுத்துள்ளதும், இருவர் விமானத்தில் பயணிக்கவில்லை என்றும் தெரிய வந்தது. இதையடுத்து, விமானம் மாயமானதற்கு பயங்கரவாத பின்னணி காரணமாக இருக்கலாம் என்று கருதி, அது குறித்த விசாரணை நடந்து வருகிறது. இதற்கிடையில், தங்கள் விமானம் விபத்தில் சிக்கவில்லை என்று மலேசியன் ஏர்லைன்ஸ் விமானம் உறுதிபட தெரிவித்துள்ளது.

மலேசிய தலைநகர் கோலாலம்பூரில் இருந்து சீன தலைநகர் பீஜிங்கிற்கு சென்ற மலேசிய ஏர்லைன்ஸ் விமானம் நடுவானில் மாயமாகிவிட்டது. இந்த விமானத்தை பல்வேறு நாடுகளைச் சேர்ந்த 40 கப்பல்களும், 22 விமானங்களும், ஏராளமான ஹெலிகாப்டர்களும் ஈடுபட்டுள்ளன. இந்நிலையில், கோலாலம்பூரில் இருந்து புறப்பட்ட விமானம், சிறிது நேரத்தில் மீண்டும் திரும்பும் காட்சி ராடாரில் பதிவாகி உள்ளதாக, மலேசிய ராணுவ வட்டாரம் தகவல் வெளியிட்டுள்ளது.