நாவிதன்வெளி பிரதேச செயலக பிரிவிற்குட்பட்ட இளைஞர் கழகங்களிற்கிடையிலான விளையாட்டுப் போட்டி

(எம்.எம்.ஜபீர்)

26 ஆவது தேசிய இளைஞர் விளையாட்டு விழாவை முன்னிட்டு நாவிதன்வெளி பிரதேச செயலக பிரிவிற்குட்பட்ட இளைஞர் கழகங்களிற்கிடையிலான விளையாட்டுப் போட்டி நேற்று ஞாயிற்றுக்கிழமை மத்தியமுகாம் றாணமடு இந்து மகா வித்தியாலய மைதானத்தில் நாவிதன்வெளி பிரதேச செயலக இளைஞர் சேவை அதிகாரி என்.ஜெயராஜ் தலைமையில் நடைபெற்றது.

இந்நிகழ்வில் தேசிய இளைஞர் சேவை மன்ற அம்பாரை மாவட்ட உதவி பணிப்பாளர் டி.எம்.சிசிரகுமார, நாவிதன்வெளி பிரதேச செயலாளர் எஸ்.கரன், நாவிதன்வெளி பிரதேச இளைஞர் பாராளுமன்ற உறுப்பினரும், தேசிய இளைஞர் கொள்கை திட்டமிடல் பிரதி அமைச்சருமான  ரி.சுதன், வேல்ட் விஷன் நிறுவனத்தின் திட்ட இணைப்பாளர் எஸ்.ரொபின்சன், றாணமடு இந்து மகா வித்தியாலய  அதிபர் கே.தியாகராஜா, சமூக சேவையாளர் எஸ்.தீபன், பிரதேச இளைஞர்கள், யுவதிகள், பொது மக்கள் உள்ளிட்ட பலர் கலந்துகொண்டனர்.

இதன்போது அம்பாரை மாவட்டத்தில் சிறந்த இளைஞர் சேவை அதிகாரியாக தெரிவு செய்யப்பட்டு விருது பெற்ற நாவிதன்வெளி பிரதேச செயலக இளைஞர் சேவை அதிகாரி என்.ஜெயராஜ் பிரதேச இளைஞர் சம்மேளனத்தினால்  பென்னாடை போர்த்தி, வாழ்துப்பாவும் நினைவுச் சின்னமும் வழங்கி கொளரவிக்கப்பட்டார்.