பாடசாலை சீருடையில் தொலைபேசிகளை திருடிய மாணவர்கள கைது

கொட்டாவ மஹரகம ஆகிய பிரதேசங்களில் தொலைதொடர்பு நிலையங்களில் கொள்ளையிட்ட பாடசாலை மாணவர்கள் மூன்று பேர் மஹரகம காவல்துறையினரால் கைது செய்யப்பட்டுள்ளனர்.

இவர்களினால் கொள்ளையிடப்பட்ட சுமார் 4 லட்சம் பெறுமதியான கையடக்க தொலைபேசிகள் மற்றும் 72 தொலைபேசி உதிரிப் பாகங்களும் காவல்துறையினரால் மீட்கப்பட்டுள்ளதாக மஹரகம காவல்துறை உயர் அதிகாரி ஒருவர் Sfm செய்தி சேவைக்கு தெரிவித்தார்.

பாடசாலை சீருடை அணித்த நிலையில், இரவு வேளையில் கையடக்க விற்பனை நிலையங்களின் கூரைகளை பிரிந்து அதன் ஊடாக உள்நுழைந்து கொள்ளையில் ஈடுப்பட்டு வந்துள்ளனர்.

கடந்த சில வாரங்களாக இப்படியான கொள்ளைகளில்  ஈடுப்பட்ட இவர்கள் மூவரும் கொட்டாவை பிரதேச பாடசாலை மாணவர்கள் என தெரியவந்தது.

இவர்களில் இருவர் எதிர்வரும் உயர்தர பரீட்சைக்கு தோற்ற உள்ளவர்கள் என்பதுடன் மற்றையவர் சாதாரண தர பரீட்சைக்கு இரண்டாவது தடவையாக முகங்கொடுத்துள்ள நிலையில் பெறுபேற்றை எதிர்பார்த்து காத்திருப்பவர் எனவும் தெரிவிக்கப்படுகிறது.