8 ஆம் திகதி பாகிஸ்தானும், இலங்கையும் மோதுகின்றன

ஆசியக் கிண்ண  கிரிக்கெட் தொடரில் பங்களாதேஷ் அணிக்கெதிரான இன்றைய போட்டியில் அப்ரிடியின் அதிரடி ஆட்டத்தின்  உதவியுடன் வெற்றிபெற்ற பாகிஸ்தான் அணி இறுதிப் போட்டிக்குத்  தகுதி பெற்றுள்ளது.

டாக்காவில் நடைபெற்ற இந்தப் போட்டியில் 327 ஓட்டங்கள் என்ற வெற்றியிலக்கை நோக்கி பதிலுக்கு துடுப்பெடுத்தாடிய பாகிஸ்தான் அணி 47 .5 ஒவர்களில் 239  ஓட்டங்களைப் பெற்று வெற்றிபெற்றது.

போட்டியில் முதலில் துடுப்பெடுத்தாடிய பங்களாதேஷ் அணி, அனாமுல் ஹக்கின் சதத்தின் உதவியுடன் 50 ஓவர்களில் 3 விக்கெட் இழப்பிற்கு 326 ஓட்டங்களைப் பெற்றுக்கொண்டது.

எதிர்வரும் 8 ஆம் திகதி நடைபெறும் இறுதிப் போட்டியில் பாகிஸ்தான் அணி, இலங்கை அணியை எதிர்கொள்ளவுள்ளது.  இலங்கை அணியானது ஆப்கானிஸ்தான் அணியை வெற்றி பெற்றதன் மூலம் தான் விளையாடிய மூன்று போட்டிகளிலும் வெற்றி பெற்று இறுதிப் போட்டிக்குத் தெரிவாகியுள்ளது.