ஆசிய கிண்ண இறுதி போட்டியின் பின், கிண்ணியாவில் 2 குழுக்களுக்கிடையே கைகலப்பு

(Vi) ஆசிய கிண்ண இறுதி போட்டியின் பின்னர், கிண்ணியாவில் இரு இளைஞர் குழுக்களுக்கிடையே கை கலப்பு ஏற்பட்டுள்ளது.

நேற்று 08-03-2014  இரவு நடைபெற்ற ஆசிய கிண்ண கிரிக்கட் இறுதிச் சுற்றுப் போட்டியில் இலங்கையும் பாகிஸ்தானும் இறுதி போட்டியில் கலந்து கொண்டு,  இலங்கை அணி வெற்றி பெற்றதை கொண்டாடி வீதியில் சென்று கொண்டிருந்த போது மற்றொரு இளைஞர் குழு அவற்றை தடுத்து நிறுத்த முற்பட்ட வேளையில் இரு குழுக்களுக்குமிடையே கைகலப்பு ஏற்பட்டது.

இதனால் கிண்ணியா துறையடி பிரதான வீதியில் பதற்ற நிலை ஏற்பட்டது. விடயம் அறிந்த பொலிஸார் ஸ்தலத்துக்கு விரைந்து இரு குழுக்களையும் சமாதானப்படுத்தி விசாரணை செய்து அனுப்பியுள்ளனர்.