வெலிகம ஸலாஹியா சர்வதேசப் பாடசாலையில் வருடாந்த இல்ல விளையாட்டுப் போட்டி

வெலிகம ஸலாஹியா சர்வதேசப் பாடசாலையில் (02-02-2014) வருடாந்த இல்ல விளையாட்டுப் போட்டி நிகழ்ச்சிகள் மிக விமரிசையாக நடைபெற்றன.

ஆண்களுக்கு வேறாகவும், பெண்களுக்கு வேறாகவும் இப்போட்டிகள் நடைபெற்றன. ஆண்களுக்கான அனைத்துப் போட்டி நிகழ்ச்சிகளும் வெலிகம அறபா தேசிய பாடசாலை விளையாட்டு மைதானத்திலும், பெண்களுக்கான நிகழ்ச்சி ஸலாஹியா சர்வதேச பாடசாலை பெண்கள் பிரிவிலும் மிகச் சிறப்பாக நடைபெற்றன.

ஆண்கள் பிரிவின் பரிசளிப்பு நிகழ்வின் பிரதம அதிதியாக தாருல் உலூம் அமைப்பின் தலைவரும், தாருல் குர்ஆன் அல்கரீமின் அதிபருமான அல்ஹாபிழ் மழ்ஹருத்தீன் அவர்களும், பெண்கள் பிரிவின் பிரதம அதிதியாக தாருல் குர்ஆன் அல்கரீமின் பெண்கள் பிரிவுத் தலைவியும், ரௌதா ஆயிஷாவின் அதிபருமான திருமதி எப்.ஜே. மொஹிதீனும் கலந்துகொண்டனர்.

ஆண்கள் பிரிவின் பத்ர், ஹுனைன், உஹ்த்  இல்லங்களுக்கிடையிலான போட்டியில் பத்ர் இல்லம் முதலாம் இடத்தைப் பெற்று வெற்றிக் கிண்ணத்தை பிரதம அதிதியிடமிருந்து பெற்றுக் கொண்டார். 

நிகழ்வில் மாணவர்களின் விநோத உடை நிகழ்ச்சி, பெற்றோருக்கான நிகழ்ச்சி, பாடசாலை ஆசிரியர்களுக்கான நிகழ்ச்சிகளும் இடம்பெற்றன.

(கலைமகன் பைரூஸ்)