வீதியில் ஓடிக்கொண்டிருந்த வாகனத்தின் சில்லொன்று கழன்று ஓடியது - கல்முனையில் சம்பவம்

(ஏ.பி.எம்.அஸ்ஹர்)

கல்முனைப்பிரதேசத்தில் வீதியில் ஓடிக்கொண்டிருந்த வாகனத்தின் சில்லொன்று  கலன்று வீதியில்ஓடிய சம்பவமொன்று இன்று இடம்பெற்றது.

இச்சம்பவம் நண்பகல் அளவில் கல்முனைக்குடி நகர மண்டபத்திற்கருகில் இடம்பெற்றது.பிரபல கராஜ் ஒன்றின் உரிமையாளர் ஒருவர் அவருக்குச்சொந்தமான வான் ஒன்றை  செலுத்திக்கொண்டு வந்த போது இடதுபக்க பின் சில்லு கலன்று வேறாகி வீதியில் ஓடியதுடன் நகர மண்டபத்திற்கருகிலுள்ள பல கடைகளையும் தாண்டிச்சென்றது.  வான் உரிமையாளர் வானை மெதுவாகச் செலுத்திவந்ததாலும் விடுமுறை தினமான இன்று வீதியில் போக்குவரத்துக்கள் குறைவாக இருந்ததாலும் அதிஷ்டவசமாக விபரீதங்கள் எதுவும் ஏற்படவில்லை.