முஸ்லிம் சமய பண்பாட்டலுவல்கள் திணைக்களமும் பொரளை அஹதியா இஸ்லாமிய கல்வி நிலையமும் இணைந்து நடாத்திய முஹர்ரம் நிகழ்வு

(ஏ.எஸ்.எம்.ஜாவித்)

ஹிஜ்ரி 1435 முஹர்ரம் இஸ்லாமிய புது வருடப் பிறப்பை முன்னிட்டு முஸ்லிம் சமய பண்பாட்டலுவல்கள் திணைக்களமும் பொரளை அஹதியா இஸ்லாமிய கல்வி நிலையமும் இணைந்து பிரதான சமய நிகழ்வு ஒன்றை (05-11-2013  கொழும்பு-9, தெமடகொடயில் உள்ள சோனக இஸ்லாமிய கலாசார மண்டபத்தின் பாஷாவிலா அரங்கில் பொரளை அஹதியா பாடசாலை அதிபர் ஷிப்லி ஹாசிம் தலைமையில் இடம்பெற்றது.

மேற்படி நிகல்வில் பிரதம அதிதியாக பிரதி அமைச்சர் பைஸர் முஸ்தபா, நகர சபை உறுப்பினர் அலி சாகிர் மௌலானா, முஸ்லிம் சமய பண்பாட்டலுவல்கள் திணைக்களப் பணிப்பாளர் எம்.எச்.எம்.ஸமீல், புரவலர் ஹாஸிம் உமர், திணைக்களப் பிரதிப் பணிப்பாளர் ரபீக் இஸ்மாயில், உதவிப்பணிப்பாளர் மௌலவி நூறுல் அமீன், மௌலவி முபாறக் அப்துல் மஜீத், மத்திய அஹதியா சம்மேளனத்தின் பிரதிநிதிகள், மூத்த ஊடகவியலாளர் ரஷீத் எம் ஹபீல் மற்றும் பெற்றோர்கள், மாணவர்கள் என பல பிரமகர்களும் கலந்து கொண்டிருந்தனர்.

இதன்போது அஹதியாப் பாடசாலையின் சிறந்த மாணவர்களுக்கு பரிசில்களை பிரமுகர்கள் வழங்கி கௌரவித்தனர்.