திருட்டு ஆசிரியைக்கும், அவரது கணவருககும் 6 மாத சிறை - கொழும்பில் சம்பவம்

கொழும்பில் உள்ள பிரபல பாடசாலை ஒன்றின் ஆசிரியையின் வங்கி கடன் அட்டையை கொள்ளையிட்டு பல பிரதேசங்களில் பொருட்களை கொள்வனவு செய்த சக ஆசிரியை மற்றும் அவரது கணவருக்கு கொழும்பு கோட்டை நீதவான் நீதிமன்றம் 6 மாத சிறைத் தண்டனை விதித்துள்ளது.

கொள்ளையிட்ட கடன் அட்டையை பயன்படுத்தி 36 ஆயிரம் ரூபா பெறுமதியான பொருட்களை கொள்வனவு செய்த குற்றச்சாட்டில் கைது செய்யப்பட்ட இவர்கள் குற்றத்தை ஒப்புக்கொண்டனர்.

இதனையடுத்து மேற்படி சிறைத் தண்டனையை விதித்த நீதவான் திலின கமகே 4 ஆயிரத்து 500 ரூபா அபராதம் விதித்ததுடன் சிறைத் தண்டனையை 5 வருடங்களுக்கு இடைநிறுத்தி வைக்குமாறு உத்தரவிட்டார்.

பிலியந்தல பிரதேசத்தை சேர்ந்த நிர்மலி வெத்தசிங்க மற்றும் நிஸங்க பொன்சேகா ஆகியோருக்கு எதிராக இந்த தண்டனை விதிக்கப்பட்டது.