50 லட்சம் டொலர் பரிசு அறிவிக்கப்பட்ட முக்கிய தலிபான் தலைவர் வபாத் (வீடியோ)

பாகிஸ்தானில் இயங்கி வரும் தெஹ்ரிக்-இ-தலிபான் இயக்கத்தின் தலைவர் ஹக்கீமுல்லா மெஹ்சூத் அமெரிக்க ஆளில்லா விமானம் 1-11-2013 நடத்திய தாக்குதலில் கொல்லப்பட்டார்.

வடக்கு வசிரிஸ் பகுதியில் உள்ள டன்டே டர்பகெல் என்ற இடத்தில் உள்ள ஒரு வீட்டில் தெஹ்ரிக்-இ-தலிபான் இயக்கத்தின் ரகசிய கூட்டம் நடப்பதாக பாகிஸ்தானில் முகாமிட்டுள்ள அமெரிக்க உளவுப்படையினருக்கு தகவல் வந்தது.

உடனடியாக அப்பகுதிக்கு ஆளில்லா விமானங்களை சி.ஐ.ஏ.படையினர் அனுப்பி வைத்தனர். ரகசிய கூட்டம் நடப்பதாக கூறப்பட்ட வீட்டின் மீது ஆளில்லா விமானங்கள் 2 ஏவுகளைகளை வீசி தாக்கியது.

இந்த தாக்குதலில் அந்த வீடு தரைமட்டமானது.

உள்ளே இருந்த தெஹ்ரிக்-இ-தலிபான் பாகிஸ்தான் இயக்கத்தின் தலைவர் ஹக்கீமுல்லா மெஹ்சூத், அப்துல்லா, தாரிக் மெஹ்சூத் மற்றும் ஹக்கீமுல்லா மெஹ்சூத்தின் மெய்காப்பாளர் ஆகியோர் இந்த தாக்குதலில் கொல்லப்பட்டனர்.

ஆப்கானிஸ்தானில் உள்ள அமெரிக்க உளவுப்படை அலுவலகத்தின் மீது கடந்த 2009-ம் ஆண்டு நடந்த குண்டு வெடிப்பு தாக்குதலுக்கு மூளையாக செயல்பட்ட ஹக்கீமுல்லாவின் தலைக்கு அமெரிக்கா 50 லட்சம் டாலர்களை பரிசாக அறிவித்திருந்தது நினைவிருக்கலாம்.

http://www.youtube.com/watch?v=7tsBfVLdu5c

http://www.aljazeera.com/news/asia/2013/11/pakistan-taliban-chief-killed-drone-strike-2013111163646666844.html