கொரிய மொழிப்பரீட்சை முடிவுகள் இன்று வெளியாகிறது - www.slbfe.lk இணையத்தில் பார்வையிடலாம்

(Tn) தென் கொரியாவில் வேலைவாய்ப்புகளை வழங்கவென நடத்தப்பட்ட கொரிய மொழி பரீட்சை முடிவுகள் இன்று முதலாம் திகதி வெளியிடப்படவுள்ளதாக இலங்கை வெளிநாட்டு வேலைவாய்ப்பு பணியகம் தெரிவிக்கிறது.

கடந்த 19, 20 ஆம் திகதிகளில் பரீட்சைகள் நடத்தப்பட்டன. இதில் 20,492 பேர் தோற்றினர்.

www.slbfe.lk அல்லது www.eps.go.kr அல்லது www.hrdkorea.or.kr என்ற இணையத் தளங்கள் ஊடாக பரீட்சை முடிவுகளை அறிந்து கொள்ள முடியும் என்றும் பணியகம் அறிவிக்கிறது.

அத்துடன் கொரிய வேலைவாய்ப்பைப் பெறுவதற்கு தகுதியுடையவர்களின் வெட்டுப்புள்ளிகளை பின்னர் கொரிய அரசு அறிவிக்கும்.

அதுவரை கொரியாவில் வேலை வாய்ப்பு பெற்றுத் தருவதாகக் கூறும் போலி ஆசாமிகளிடம் பரீட்சை இலக்கத்தையும் கடவுச் சீட்டு இலக்கத்தையும் கொடுக்க வேண்டாம் என்றும் பணியகம் பரீட்சார்த்திகளிடம் கேட்டுக் கொள்கிறது.