கொழும்பில் கைவிடப்பட்ட நிலையில் ஒன்றரை வயது குழந்தை மீட்பு

கொழும்பு முகத்துவாரம் பகுதியில் வீதியோரத்தில் கைவிடப்பட்டிருந்த ஒன்றரை வயது பெண் குழந்தையொன்று இன்று 07-10-2013  காலை கண்டுபிடிக்கப்பட்டுள்ளது.

119 என்ற அவசர அழைப்பு இலக்கத்திற்கு கிடைத்த தகவலுக்கு அமைய குழந்தை கண்டுபிடிக்கப்பட்டதாக பொலிஸ் ஊடகப் பிரிவு தெரிவித்துள்ளது.

தந்தையால் இந்த குழந்தை வீதியில் கைவிடப்பட்டமை ஆரம்ப விசாரணைகளில் தெரிவந்துள்ளது. மனைவியுடன் ஏற்பட்ட தகராறு காரணமாக சந்தேகநபர் குழந்தையை வீதியில் விட்டுச் சென்றுள்ளதாக பொலிஸ் ஊடகப் பிரிவு குறிப்பிட்டுள்ளது

சம்பவம் தொடர்பில் குழந்தையின் தாய் கைது செய்யப்பட்டுள்ளதுடன் தந்தையை கைது செய்வதற்கான விசாரணை ஆரம்பிக்கப்பட்டுள்ளன. குழந்தையை மருதானை சட்ட வைத்திய அதிகாரியிடம் முன்னிலைப்படுத்த பொலிஸார் ஏற்பாடுகளை மேற்கொண்டு வருகின்றனர். nf