கசினோ சூதாட்­டத்தில் ஈடு­ப­டு­வ­தற்­காக பாகிஸ்­தா­னியர் தான் வரு­வார்கள் - ஞான­சார தேரர்

கசினோ சூதாட்டம் சட்­ட­மாக்­கப்­பட்டால் கொழும்பின் நிரு­வாகம் பாகிஸ்­தா­னிய போதை­வஸ்து பாதாளக் குழுக்­களின் கைக­ளுக்கு சென்று விடு­வ­தோடு மட்­டு­மன்றி ஆயுதக் கலா­சா­ரமும் விப­சா­ரமும் தலை­தூக்கும் என்று எச்­ச­ரிக்கை விடுக்கும் பொது பல­சே­னாவின் பொதுச் செய­லாளர் கல­கொட அத்தே ஞான­சார தேரர் உல்­லாசப் பிர­யா­ணத்­து­றையை அபி­வி­ருத்தி செய்ய கசினோ சூதாட்டம் சட்­ட­மாக்­கப்­பட வேண்­டு­மென ஆலோ­சனை வழங்­குவோர் பிசா­சுகள் என்றும் தேரர் விமர்­சித்தார்.

கொழும்பில் இடம்­பெற்ற ஊட­க­வி­ய­லாளர் மாநாட்டில் உரை­யாற்றும் போதே கல­கொட அத்தே ஞான­சார தேரர் இதனைத் தெரி­வித்தார். தேரர் இங்கு தொடர்ந்து உரை­யாற்­று­கையில், 

கசினோ சூதாட்­டத்தை சட்­ட­மாக்­கு­வ­தற்­காக பாரா­ளு­மன்­றத்­திற்கு கொண்டு வரப்­ப­ட­வுள்ள பிரே­ர­ணையை முழு­மை­யாக எதிர்க்­கின்றோம்.

அன்றும் இன்றும் என்றும் கசினோ சூதாட்­டத்தை நாம் எதிர்க்­கின்றோம் அவ் முடிவில் மாற்றம் இல்லை. வெளி­நாட்டு உல்­லாச பிர­யா­ணத்­து­றையை நாட்டில் வளர்ச்­சி­ய­டையச் செய்ய வேண்­டு­மானால் கசி­னோக்கள் ஆரம்­பிக்­கப்­பட வேண்டும். அதற்­கான சட்­டங்கள் நிறை­வேற்­றப்­பட வேண்டும் என அமைச்­சர்­க­ளுக்கு ஆலோ­ச­னை­களை வழங்­கு­ப­வர்கள் யார்?

கசினோ சூதாட்­டத்தால் உல்­லாசப் பிர­யாணத் துறையை வளர்ச்­சி­ய­டையச் செய்ய முடி­யாது. தாய்­லாந்தில் உல்­லாசப் பிர­யாணத் துறையை வளர்ச்சி பெறச் செய்­வ­தற்­காக கசி­னோக்கள் ஆரம்­பிக்­கப்­பட­வில்லை.

இந்­தியா இலங்­கையில் கசினோ சூதாட்­டத்தில் ஈடு­ப­டு­வ­தற்­காக இந்­தி­யர்கள் வரப்­போ­வ­தில்லை. பாகிஸ்­தா­னியர் தான் வரு­வார்கள் ஏற்­க­னவே கிழங்குக் கொள்­க­லன்­களில் பாகிஸ்­தா­னி­லி­ருந்து போதை­வஸ்­துக்கள் கொண்டு வரப்­பட்­டன.

அது மாத்­தி­ர­மின்றி கருத்­தடை மாத்­தி­ரைகள், போதை மாத்­தி­ரைகள் இங்கு வரு­வது மட்­டுமன்றி குதிரைக்கு உண­வாக வழங்­கப்­படும் பழு­த­டைந்த கடலை, பருப்பு என பல்­வே­று­பட்ட உணவுப் பொருட்கள் பாகிஸ்­தா­னி­லி­ருந்து சட்­டத்­திற்கு புறம்­பான விதத்தில் கொண்டு வரப்­ப­டு­கின்­றன.

இவ்­வா­றா­னதோர் சூழ்­நி­லையில் கசினோ சூதாட்டம் சட்­ட­மாக்­கப்­ப­டு­மானால் கொழும்பு நகரில் விப­சாரம் தலை­தூக்கும். போதை­வஸ்து மட்­டு­மன்றி போதை மாத்­திரை பாவ­னைகள் அதி­க­ரிக்கும். அது மட்­டு­மன்றி ஆயுதக் கலா­சா­ரமும் தலை­தூக்கும்.

பாங்கொக் நகரைப் போன்று கொழும்பு நகர் பாகிஸ்­தா­னிய போதை­வஸ்து பாதாளக் குழுக்­களின் கைகளின் நிர்­வா­கத்­திற்கு சென்று விடும் ஆபத்து உள்­ளது.

நாட்டை சீரழிக்கும் கலாசாரத்தை பண்பாட்டை சீரழிக்கும் கசினோ சூதாட்டம் வேண்டாம். பெளத்த குரு ஒருவர் மட்டும் தீக்குளிப்பதால் இதனை தடுத்து விட முடியாது பலர் தீக்குளிக்க வேண்டிய நிலை உருவாகும் என்றும் ஞானசாரதேரர் தெரிவித்தார்.