நாட்டுமக்களின் நாடித்துடிப்பை அறிந்து சேவையாற்றிய அனுபவம் எனக்கு உள்ளது - சஜித்

நாட்டு மக்களின் நாடித் துடிப்பையும் அவர்கள் எதிர்கொள்ளும் துயரங்களையும் அறிந்து கொண்டு அவர்களுக்காக சேவையாற்றிய அனுபவம் தனக்குள்ளதாக சஜித் பிரேமதாஸ தெரிவித்துள்ளார்.

இன்று 07-10-2013 ஊடகங்களுக்கு விசேட உரையொன்றை ஆற்றிய போதே அவர் இவ்வாறு தெரிவித்துள்ளார்.

தனது அனுபவம் தொடர்பில் கடந்த சில தினங்களாக சிலருக்கு பிரதான தலைப்பாகியுள்ளதாகவும் அனுபவம் எனும் விடயம் உண்மையானது, எனவும் அவர் குறிப்பிட்டுள்ளார்.

''இருபதுக்கும் மேற்பட்ட தேர்தல்களில் தோல்வியடைந்த அனுபவம் இல்லை, இந்த நாட்டின் ஐக்கிய தேசியக் கட்சியின் 10 இலட்சம் ஆதரவாளர்களை சிரமத்திற்கு உள்ளாக்கிய அனுபவம் இல்லை, பொதுத் தேர்தலில் தோல்வியடைந்த அனுபவமும் எனக்கு இல்லை, அத்துடன் நடுத்தெருவில் நிர்க்கதிக்குள்ளாகியுள்ள நிலையில் 200 ஆடைக் கைத்தொழில்கள் ஊடாக செல்வந்தராகிய அனுபவமும் எனக்கு இல்லை'' எனவும் அவர் குறிப்பிட்டுள்ளார்.

எனினும் நாட்டு மக்களின் நாடித் துடிப்பையும் அவர்கள் எதிர்கொள்ளும் நுயரங்களையும் அறிந்து கொண்டு அவர்களுக்காக சேவையாற்றிய அனுபவம் தனக்குள்ளதாகவும் அந்த அனுபவம் தற்போதைய அரசியலில் ஓர் தகுதியற்ற விடயமாக மாறியுள்ளமை துரதிஷ்டவசமானதாகும் எனவும் அவர் மேலும் குறிப்பிட்டுள்ளார்.