இலங்கை நிருவாகச் சேவைக்கு கல்முனையிலிருந்து தெரிவாகிய அபான் காரியப்பரை பாராட்டும் நிகழ்வு

(எஸ்.எல்.அப்துல் அஸீஸ்)

இலங்கை நிருவாகச் சேவைக்கு 2013ஆம் ஆண்டு கல்முனையிலிருந்து தெரிவாகிய ஜி.ஏ.கே.எம்.அபான் காரியப்பரை பாராட்டி கௌரவிக்கும் விழா நிகழ்வு கல்முனை கல்வி கலாச்சார மேம்பாட்டு தாபனத்தின் கேட்போர் அரங்கில் இடம்பெற்றது.

கல்வி கலாச்சார மேம்பாட்டு தாபனத்தினால் ஏற்பாடு செய்யப்பட்ட இந்நிகழ்வானது அவ் அமைப்பின் தலைவர் எம்.பி;.எம்.றிபான் தலைமையில் இடம்பெற்றதுடன், இந்நிகழ்வுக்கு அதிதிகளாக கல்முனை பிரதேசசெயலாளர் எம்.எம்.நௌபல், பொத்துவில் பிரதேசசெயலாளர் எம்.ஐ.எம்.தௌபீக், கல்முனை அஸ்ரப் ஞாபகார்த்த வைத்தியசாலையின் வைத்திய அத்தியட்சகர் டாக்டர் ஏ.எல்.எம்.நஸீர் உட்பட கல்வித்துறை சார் அதிகாரிகள், சமூகப் பிரதிநிதிகள் எனப் பலரும் கலந்துகொண்டனர்.